ഇന്ത്യൻ ക്രിക്കറ്റിനെ മാറ്റിമറിച്ച ഇന്ത്യൻ പ്രീമിയർ ലീഗിന്റെ മൂല്യത്തിൽ വൻ വർദ്ധന. 2022നെ അപേക്ഷിച്ച് 2023ൽ അത് 3.2 ബില്യൺ ഡോളറായാണ് മൂല്യം ഉയർന്നത്. ആഗോള ഇൻവെസ്റ്റ്‌മെന്റ് ബാങ്കായ ഹൗലിഹാൻ ലോക്കിയുടെതാണ് റിപ്പോർട്ട്.
2017-2023 കാലഘട്ടത്തിലെ ഐപിഎല്ലിന്റെ സംപ്രേക്ഷണാവകാശ തുകയിലും വൻ കുതിച്ചുചാട്ടമാണ് കൈവരിച്ചത്. ഇന്ത്യൻ പ്രീമിയർ ലീഗിൻറ ബ്രോഡ്കാസ്റ്റിംഗ് ഫീസ് ലോകത്തിലെ മറ്റ് പ്രൊഫഷണൽ ലീഗുകളേക്കാൾ വളരെ കൂടുതലാണ്.
സംപ്രേക്ഷണാവകാശം ഏറ്റവും കൂടുതൽ അമേരിക്കയിലെ നാഷണൽ ഫുട്‌ബോൾ ലീഗിനാണ്. എൻഎഫ്എലിന്റെ ബ്രോഡ്കാസ്റ്റിങ് തുക 35.1 മില്യൺ യുഎസ് ഡോളറാണെങ്കിൽ ഐ.പി.എല്ലിൽ അത് 14.4 മില്യൺ യുഎസ് ഡോളറാണ്. ഐപിഎല്ലിലേക്ക് വരുന്ന പണവും താരമൂല്യവുമാണ് ടൂർണമെന്റിനെ ശ്രദ്ധേയമാക്കിയത്. ഐപിഎല്ലിൽ ലഭിക്കുന്ന ഉയർന്ന പ്രതിഫലമാണ് രാജ്യാന്തര താരങ്ങളെ ഉൾപ്പെടെ ഐപിഎല്ലിലേക്ക് ആകർഷിക്കുന്നത്.
ചെന്നൈ സൂപ്പർ കിംഗ്‌സാണ് 21.2 കോടി ഡോളറോടെ ബ്രാൻഡ് മൂല്യത്തിൽ ഒന്നാം സ്ഥാനത്ത്. വിരാട് കോഹ്ലിയുടെ റോയൽ ചലഞ്ചേഴ്‌സ് ബാംഗ്ലൂരാണ് 195 ബില്യൺ ഡോളറിലൂടെ ബ്രാൻഡ് മൂല്യത്തിൽ രണ്ടാമത്.
Comments