സിംബാബ്വെയിൽ നടക്കുന്ന സിം ആഫ്രോ ടി10 ലീഗിൽ ബൗളിംഗിൽ വിസ്മയം തീർത്ത് മുൻ ഇന്ത്യൻ പേസറും മലയാളി താരവുമായ ശ്രീശാന്ത്. പാർഥിവ് പട്ടേൽ നയിക്കുന്ന കേപ് ടൗൺ സാമ്പ് ആർമിക്കെതിരെയാണ് ഓയിൻ മോർഗൻ നയിക്കുന്ന ഹരാരെ ഹരികെയിൻസിന് വേണ്ടിയുള്ള ശ്രീയുടെ മിന്നും പ്രകടനം. മത്സരത്തിന്റെ അവസാന ഓവർ എറിയാൻ ഇംപാക്ട് പ്ലേയറായി ശ്രീശാന്ത് എത്തിയതോടെയാണ് കളിയുടെ ഗതി മാറിമറിഞ്ഞത്.
കേപ്ടൗണിന് ജയിക്കാൻ ഏട്ട് റൺസായിരുന്നു അവസാന ഓവറിൽ വേണ്ടിയിരുന്നത്. ശ്രീയുടെ മാന്ത്രിക ബൗളിംഗിെനാപ്പം മാരകഫീൽഡിംഗും ചേർന്നതോടെ മത്സരം സമനിലയിലായി. തുടർന്ന് സൂപ്പർ ഓവറിലേക്ക് നീണ്ട കളിയിൽ താരത്തിന്റെ ടീമായ ഹരാരെ വിജയിക്കുകയും ചെയ്തു. ടൂർണമെന്റിലെ തന്റെ ആദ്യ മത്സരത്തിൽ കളത്തിലിറങ്ങിയ ശ്രീ തന്റെ കഴിവിന് ഒന്നും പറ്റിയിട്ടില്ലെന്നാണ് മൈതാനത്ത് തെളിയിച്ചത്.
First over in the tournament ☝️
8 runs to defend 😬@sreesanth36 rolls the clock back to take the game to the Super over 😵💫 🕰️#ZimAfroT10 #CricketsFastestFormat #T10League #InTheWild #CTSAvHH pic.twitter.com/wFk7XxCJho— T10 League (@T10League) July 25, 2023
“>
മലയാളി കൂടിയായ സോഹൻ റോയിയുടെ ഉടമസ്ഥതയിലുള്ള ടീമിന്റെ ഭാഗമാകാൻ സാധിച്ചതിൽ വളരെയധികം സന്തോഷമുണ്ടെന്നും ഇത്തരമൊരു അവസരത്തിന് അദ്ദേഹത്തോട് ഒരുപാട് നന്ദിയുണ്ടെന്നും ശ്രീശാന്ത് പറഞ്ഞു. ‘സിം ആഫ്രോ ഠ 10 ‘ ക്രിക്കറ്റിലെ പ്രമുഖ ടീമായ ‘ഹരാരെ ഹരിക്കേയ്ൻസിനെ ബോളിവുഡ് താരം സഞ്ജയ് ദത്തും ഹോളിവുഡ് ഡയറക്ടറും യുഎഇ ആസ്ഥാനമായ ഏരീസ് ഗ്രൂപ്പ് ഓഫ് കമ്പനീസിന്റെ സിഇഒയുമായ സർ സോഹൻ റോയിയും ചേർന്നാണ് സ്വന്തമാക്കിയിരിക്കുന്നത്.
