ന്യൂഡൽഹി: ഇന്ത്യയിൽ 16,500 കോടി രൂപയുടെ നിക്ഷേപം നടത്തുമെന്ന് തായ്വാൻ ഇലക്ട്രോണിക് ചിപ്പ് നിർമാണ കമ്പനിയായ ഫോക്സ്കോൺ. ‘സെമിക്കോൺ ഇന്ത്യ 2023’ ലാണ് ഫോക്സ്കോണിന്റെ പ്രഖ്യാപനം. ആപ്പിൾ ഐഫോണുകൾക്കായി ഏറ്റവും കൂടുതൽ ചിപ്പുകൾ നിർമ്മിക്കുന്ന കമ്പനിയാണ് ഫോക്സ്കോൺ. ഗുജറാത്തിലെ ഗാന്ധി നഗറിലെ മഹാത്മ മന്ദിറിലാ സെമിക്കോൺ 2023 സംഘടിപ്പിച്ചത്.
അഞ്ച് വർഷം കൊണ്ട് പദ്ധതി പൂർത്തീകരിക്കാനാണ് കമ്പനി ലക്ഷ്യമിടുന്നത്. കേന്ദ്രസർക്കാറിന്റെ പ്രൊഡക്ഷൻ ലിങ്ക്ഡ് ഇൻസെന്റീവ് സ്കീമിന്റെ ഗുണഭോക്താവ് കൂടിയാണ് ഫോക്സ്കോൺ. രാജ്യത്ത് ഇലക്ട്രോണിക് ഉത്പാദന വർദ്ധനവും കയറ്റുമതിയും ലക്ഷ്യമിട്ട് കൊണ്ട് കേന്ദ്രസർക്കാർ നടപ്പിലാക്കുന്ന പദ്ധതിയാണ് പ്രൊഡക്ഷൻ ലിങ്ക്ഡ് ഇൻസെന്റീവ് സ്കീം.
ഐ ഫോണുകളുടെ കൂടുതൽ നിർമ്മാണ യൂണിറ്റുകൾ ഇന്ത്യയിൽ സ്ഥാപിക്കാനുള്ള പ്രവർത്തനങ്ങളിലാണ നിലവിൽ ആപ്പിൾ. ഇതിന് പിന്നാലെയാണ് ഫോക്സ്കോണിന്റെ പ്രഖ്യാപനം. ഇലക്ട്രോണിക് ഘടകങ്ങൾക്കായി 1650 കോടി രൂപ ചെലവഴിച്ച് നൂതന പ്ലാന്റ് തമിഴ്നാട്ടിൽ സ്ഥാപിക്കാനും കമ്പനിക്ക് പദ്ധതിയുണ്ട്.
Comments