ആവേശകരമായ ശ്രീലങ്കൻ പ്രീമിയർ ലീഗിൽ വിചിത്ര അതിഥിയെത്തിയതിന്റെ ഞെട്ടലിലാണ് താരങ്ങളും സംഘാടകരും. ഗ്രൗണ്ടിൽ ഇഴഞ്ഞെത്തിയ പാമ്പിനെ കണ്ടതോടെ മൈതാനത്ത് നാടകീയ രംഗങ്ങളാണ് ഉണ്ടായത്. ഗില്ലി ടൈറ്റൻസും ദംബുല്ല ഓറയും തമ്മിലുള്ള മത്സരത്തിനിടെയാണ് ഗ്രൗണ്ടിൽ അപ്രതീക്ഷിതമായി പാമ്പെത്തിയത്.
We could only capture this 𝗛𝗶𝘀𝘀𝘁𝗼𝗿𝗶𝗰 moment due to our world-class 𝙎𝙣𝙖𝙠𝙤𝙢𝙚𝙩𝙧𝙚!#LPL2023onFanCode #LPL pic.twitter.com/lhMWZKyVfy
— FanCode (@FanCode) July 31, 2023
ദംബുല്ല 181 റൺസ് വിജയലക്ഷ്യം പിന്തുടരുന്നതിനിടെ അഞ്ചാം ഓവറിലാണ് പാമ്പ് ഗ്രൗണ്ടിലെത്തിയത്. ധനഞ്ജയയും പെരേരയുമായിരുന്നു ക്രീസിൽ. പാമ്പിനെ കണ്ട് ഗില്ലിയുടെ താരം അൽ ഹസൻ അമ്പയർമാരോടും താരങ്ങളോടും ആംഗ്യം കാണിക്കുന്നതിന്റെയും മാച്ച് ഒഫീഷ്യലുകളിൽ ഒരാൾ പാമ്പിന് പിന്നാലെ പോകുന്നതിന്റെയും ചിത്രങ്ങളും വീഡിയോ ദൃശ്യങ്ങളും സമൂഹമാദ്ധ്യമങ്ങളിൽ വൈറലാണ്. പാമ്പിനെ കണ്ടതോടെ മത്സരം അൽപസമയത്തേക്ക് താത്കാലികമായി നിർത്തിവെച്ചിരുന്നു. പാമ്പ് ഔട്ടായതിന് ശേഷമാണ് മത്സരം പുനരാരംഭിച്ചത്.
