‘സ്റ്റാർ സഞ്ജു’; പടുകൂറ്റന്‍ സിക്സറുകളുമായി അര്‍ദ്ധ സെഞ്ച്വറി; വീഡിയോ വൈറൽ

ട്രിനിഡാഡ്: ഇന്ത്യ- വെസ്റ്റ് ഇൻഡീസ് മൂന്നാം ഏകദിന മത്സരത്തിൽ തിളങ്ങി സഞ്ജു സാംസൺ. 41 പന്തില്‍ നിന്ന് 51 റണ്‍സാണ് താരം അടിച്ചെടുത്തത്. അര്‍ദ്ധ സെഞ്ച്വറി നേടിയതിന് തൊട്ടു പിന്നാലെ ഔട്ടായെങ്കിലും മോശമല്ലാത്ത പ്രകടനം കാഴ്ച വെച്ച് ആരാധകരെ തൃപ്തിപ്പെടുത്തിയാണ് സഞ്ജു മടങ്ങിയത്.

നാല് സിക്‌സും രണ്ട് ഫോറും അ‌ടങ്ങുന്നതായിരുന്നു സഞ്ജുവിന്റെ ഇന്നിം​ഗ്സ്. അടിച്ച പടുകൂറ്റൻ സിക്സറുകളിൽ മൂന്ന് എണ്ണവും രണ്ടാം ഏകദിനത്തില്‍ തന്നെ പുറത്താക്കിയ യാന്നിക് കറിയയുടെ ഓവറിലായിരുന്നു. റൊമാരിയോ ഷെഫേര്‍ഡിന്റെ പന്തില്‍ ഷിംറോണ്‍ ഹെറ്റ്മറുടെ കൈകളിലേയ്‌ക്ക് ക്യാച്ച് നല്‍കിയാണ് സഞ്ജു ഔട്ട് ആയത്.

Teen tigada, #SanjuSamson ne #Windies ka kaam bigada 🔥

Which of these big hits are you watching on 🔁?#SabJawaabMilenge #WIvIND #JioCinema pic.twitter.com/pMDHVnPTOQ

— JioCinema (@JioCinema) August 1, 2023

“>

നാലാമനായിട്ടാണ് സഞ്ജു ക്രീസിലെത്തിയത്. മൂന്നാം ഏകദിനത്തിൽ തിളങ്ങിയ മറ്റൊരു താരം ഇഷാന് കിഷനാണ്. 64 പന്തില്‍ 77 റൺസെടുത്താണ് ഇഷാൻ പുറത്തായത്. മൂന്ന് ഏകദിനങ്ങള്‍ ഉള്‍പ്പെടുന്ന പരമ്പരയിലെ എല്ലാ മത്സരത്തിലും 50-ന് മുകളിൽ റണ്‍സ് നേടുന്ന ആറാമത്തെ ഇന്ത്യന്‍ താരമായി കിഷന്‍ മാറി. 45 ഓവർ പിന്നിടുമ്പോൾ 4 വിക്കറ്റ് നഷ്ടത്തിൽ ഇന്ത്യ 300 റൺസ് കടന്നു.