ബെംഗളൂരു: ഐപിഎൽ ടീമായ റോയൽ ചലഞ്ചേഴ്സ് ബാംഗ്ലൂർ പുതിയ പരീശിലകനെ പ്രഖ്യാപിച്ചു. സിംബാബ്വെയുടെ ഇതിഹാസ താരം ആൻഡി ഫ്ളവറിയാണ് ആർസിബിയുടെ പുതിയ പരിശീലകൻ. മൈക്ക് ഹെസ്സണെ പുറത്താക്കിയാണ് ആർസിബി പുതിയ സീസണ് മുന്നോടിയായി പുതിയ പരിശീലകനെ കളത്തിലിറക്കിയിരിക്കുന്നത്. ഹെസ്സൺ ഈ മാസം അവസാനം സ്ഥാനമൊഴിയും. സ്ഥാനമൊഴിയുന്ന ഡയറക്ടർക്ക് പകരമായി ആർസിബിയുടെ ഇതിഹാസതാരം എ.ബി ഡിവില്ലേഴ്സും ടീമിലേക്കെത്തുമെന്നാണ് സൂചന.
മുഖ്യപരിശീലക സ്ഥാനമാണ് ആൻഡി ഫ്ലവറിന് നൽകുക. ഹെസ്സണ് കീഴിൽ ആർസിബിയുടെ മുഖ്യപരീശിലകനായിരുന്ന സഞ്ജയ് ബംഗാറും മറ്റ് സപ്പോർട്ടിംഗ് സ്റ്റാഫുകളും ഈ മാസം അവസാനത്തോടെ ടീം വിടും. ഐപിഎല്ലിൽ രാജസ്ഥാൻ റോയൽസ് അടക്കമുള്ള താരങ്ങൾ ആൻഡി ഫ്ലവറിനെ പരിശീലക സ്ഥാനത്തേക്ക് പരിഗണിച്ചിരുന്നു. എന്നാൽ ഒടുവിൽ ആർസിബി പരിശീലകനാവാൻ ഫ്ലവർ സമ്മതം മൂളുകയായിരുന്നുവെന്ന് ക്രിക് ബസ് റിപ്പോർട്ട് ചെയ്തു.
ആൻഡി ഫ്ലവറിന് പകരം ജസ്റ്റിൻ ലാംഗറെ ലഖ്നൗ പരിശീലകനായി നിയമിച്ചതോടെയാണ് ആൻഡി ഫ്ലവർ ആർസിബിയിലേക്ക് കൂട്മാറിയെത്തുന്നത്. താരത്തിന് കീഴിൽ ലഖ്നൗ രണ്ട് സീസണുകളിൽ പ്ലേ ഓഫ് കടന്നിരുന്നു. രാജ്യാന്തര ടി20 ലീഗുകളിൽ പരിശീലകനായി ദീർഘനാളത്തെ അനുഭവ സമ്പത്തുള്ളയാളാണ് ആൻഡി ഫ്ലവർ. കഴിഞ്ഞ ആഷസ് പരമ്പരയിൽ ഓസ്ട്രേലിയൻ ടീമിന്റെ കോച്ചിംഗ് സ്റ്റാഫിന്റെ ഉപദേശകനുമായിരുന്നു ആൻഡി ഫ്ളവർ.
Comments