വാഹന നിർമാണത്തിൽ അതികായന്മാരായ മഹീന്ദ്ര ഗ്രൂപ്പ് സ്പോർട്ട്സ് യൂറ്റിലിറ്റി വാഹനനിർമ്മാതാക്കളിൽ ഇന്ത്യയിൽ ഒന്നാമത് നിൽക്കുന്ന ബ്രാൻഡാണ്. ഇപ്പോഴിതാ മഹീന്ദ്രയുടെ ഈ സാമ്പത്തിക വർഷത്തെ ആദ്യപാദത്തിലെ ലാഭവിവരം പുറത്തുവന്നിരിക്കുകയാണ്. കഴിഞ്ഞ സാമ്പത്തിക വർഷത്തിലെ ആദ്യ പാദത്തേക്കാൾ 98 ശതമാനം ലാഭമാണ്
കമ്പനി ഈ വർഷത്തെ ആദ്യ പാദത്തിൽ നേടിയിരിക്കുന്നത്.
കഴിഞ്ഞ വർഷം ഇതേ സമയം 1404 കോടി മാത്രമാണ് ലാഭം നേടാനയതെങ്കിൽ 2,774 കോടിയുടെ ലാഭമാണ് ഈ പാദത്തിൽ കമ്പനി നേടിയിരുക്കുന്നത്. ഈ വർഷം ആദ്യപാദത്തിൽ 1,00,162 എസ്യുവി യൂണിറ്റുകളാണ് കമ്പനി വിറ്റഴിച്ചത്. പാസഞ്ചർ വാഹനങ്ങൾ, വാണിജ്യ വാഹനങ്ങൾ, മുച്ചക്ര വാഹനങ്ങൾ എന്നിവയുടെ വിൽപ്പന 21 ശതമാനമായും വർദ്ധിച്ചതായും ബിഎസ്ഇ പുറത്തുവിട്ട കണക്കിൽ പറയുന്നു. 2022-23 സാമ്പത്തിക വർഷത്തിന്റെ ആദ്യപാദത്തിൽ 1,53,462 വാഹനങ്ങളാണ് വിറ്റതെങ്കിൽ 23-24 സാമ്പത്തിക വർഷത്തിന്റെ ആദ്യപാദത്തിൽ 1,86,138 യൂണിറ്റായി വർദ്ധിച്ചു.
സ്കോർപിയോ-എൻ, സ്കോർപ്പിയോ-ക്ലാസിക്, എക്സ്യുവി 700, താർ, എക്സ്യുവി 300, ബൊലേറോ, ബൊലേറോ നിയോ തുടങ്ങി ജനപ്രിയ എക്സ്യുവികളാണ് മഹീന്ദ്ര വിൽക്കുന്നത്. ജിവോ, എക്സ്പി പ്ലസ്, എസ്പി പ്ലസ്, യുവോ, നോവോ ബ്രാൻഡുകൾക്ക് കീഴിലാണ് മഹീന്ദ്ര ട്രാക്ടറുകൾ പുറത്തിറക്കുന്നത്.
