ആത്മനിർഭരതയിൽ രാഷ്‌ട്രം; തദ്ദേശീയമായി വികസിപ്പിച്ച്, ലോക വിപണിയിൽ ഇടം പിടിച്ച  ഗാഡ്ജറ്റുകൾ

ആഭ്യന്തര ഉത്പാദനം പ്രോത്സാഹിപ്പിക്കുന്നതിനായി വിദേശ നിർമ്മിത ലാപ്‌ടോപ്പുകൾക്കും ടാബ്‌ലെറ്റുകൾളും ഇറക്കുമതി ചെയ്യുന്നതിൽ നിയന്ത്രണമേർപ്പെടുത്തിയിട്ടുണ്ട്. അടുത്തിടെയായി പ്രഖ്യാപിച്ച് ജിയോബുക്കും വരാനിരിക്കുന്ന ജിയോ ഫോണും സാങ്കേതികവിദ്യയിൽ ഇന്ത്യ മുന്നേറുന്നതിന്റെയും സ്വയം പര്യാപ്ത കൈവരിക്കുന്നതിന്റെയും അടയാളങ്ങളാണ്. തദ്ദേശീയമായി നിരവധി ഉത്പന്നങ്ങളാണ് വിപണിയിൽ അവതരിപ്പിച്ചിരിക്കുന്നത്. അവയിൽ ചിലത് ഇതാ…

ലാവ ബ്ലേഡ് 5ജി

2022 നവംബറിൽ അവതരിപ്പിച്ച സ്മാർട്ട് ഫോൺ ആണ് ലാവ ബ്ലേഡ് 5ജി. 8GB, 6GB,4GB വേരിയന്റുകളിൽ ഫോൺ ലഭ്യമാണ്. 6.51 ഇഞ്ച് HD+ IPS LCD ഡിസ്‌പ്ലേയാണ് നൽകുന്നത്. യുഎസ്ബി ടൈപ്പ്-സി ചാർജിംഗിനുള്ള പിന്തുണയുള്ള 5,000 എംഎഎച്ച് ബാറ്ററിയാണ് നൽകുന്നത്. 50 മെഗാപിക്‌സൽ പ്രധാന ക്യാമറയും സെൽഫി ക്യാമറ 8 മെഗാപിക്‌സൽ സെൻസറാണ് ഉപയോഗിച്ചിരിക്കുന്നത്.

നോയ്‌സ് എയർ ബഡ്‌സ് മിനി 2

മികച്ച ശേഷിയുള്ള ഇയർഫോണാണ് നോയ്‌സിന്റെ ഇയർ ബഡ്‌സ്. v 5.3 കണക്ടിവിറ്റിയാണ് ഇത് നൽകുന്നത്. നാല് കളർ വേരിയന്റുകളിൽ ലഭ്യമാകുന്ന ഇതിന്റെ വില 999 രൂപയാണ്. ഗെയിമിംഗ് സമയത്ത് 50 എംഎസ് ലോ ലേറ്റൻസി മോഡ് വാഗ്ദാനം ചെയ്യുന്നു. കേയ്സ് ഉൾപ്പെടെ ഒറ്റ ചാർജിൽ ഇയർഫോണുകൾക്ക് 45 മണിക്കൂർ വരെ നൽകാൻ കഴിയുമെന്ന് കമ്പനി അവകാശപ്പെടുന്നു. നോയിസ് ക്യാൻസലേഷനും ഇത് തരുന്നു.

ബോട്ട് സ്മാർട്ട് റിംഗ്

സാങ്കേതിക രംഗത്ത് അവതരിപ്പിച്ച പുതുപുത്തൻ ഉപകരണമായിരുന്നു ബോട്ട് സ്മാർട്ട് റിംഗ്. ഹൃദയമിടിപ്പ്, താപനില എന്നിവ നിരീക്ഷിക്കാൻ സഹായിക്കുന്ന ട്രാക്കിംഗ് ഉപകരണമാണിത്. വിപണിയിൽ അവതരിപ്പിച്ചിട്ടില്ലെങ്കിലും ഫ്‌ളിപ്പ്കാർട്ട്, ആമസോൺ,ബോട്ടിന്റെ ഔദ്യോഗിക വെബ്‌സൈറ്റ് എന്നിവ വഴി ഉടൻ വിൽപ്പനയ്‌ക്കെത്തും.

ക്രോസ്ബീറ്റ്‌സ് അപെക്‌സ് റീഗൽ സ്മാർട്ട് വാച്ച്

3,499 രൂപയ്‌ക്ക് ലഭ്യമാകുന്ന വാച്ചാണ് ഇത്. 1.43 ഇഞ്ച് വൃത്താകൃതിയിലുള്ള ഡിസ്പ്ലേയും വെള്ളത്തിനും പൊടി പ്രതിരോധത്തിനും IP67 റേറ്റിംഗ് വാഗ്ദാനം ചെയ്യുന്നു. 280 mAh ബാറ്ററിയാണ് സ്മാർട്ട് വാച്ചിന്റെ കരുത്ത്. ഒറ്റ ചാർജിൽ 30 ദിവസം വരെ പ്രവർത്തിക്കും. എഐ ഹെൽത്ത് സെൻസറുകളും വാച്ചിൽ ലഭ്യമാണ്.