ശ്രീലങ്കന്‍ ഓള്‍റൗണ്ടര്‍ വനിന്ദു ഹസരംഗ ടെസ്റ്റ് ക്രിക്കറ്റില്‍ നിന്ന് വിരമിക്കുന്നു. തീരുമാനം കത്തിലൂടെ ലങ്കന്‍ ക്രിക്കറ്റ് ബോര്‍ഡിനെ താരം അറിയിച്ചു. വൈറ്റ്-ബോള്‍ ഫോര്‍മാറ്റുകളില്‍ തന്റെ കരിയര്‍ തുടരാന്‍ വേണ്ടിയാണ് താരം ടെസ്റ്റില്‍ നിന്ന് വിരമിച്ചത്. പരിമിത ഓവര്‍ ക്രിക്കറ്റില്‍ ശ്രദ്ധ കേന്ദ്രീകരിക്കാനും ദേശീയ ടീമിന് തന്റെ ഏറ്റവും മികച്ച സംഭാവന നല്‍കാനുമാണ് ഈ തീരുമാനം എടുക്കുന്നത് എന്ന് അദ്ദേഹം കത്തില്‍ പറയുന്നു.
‘ഞങ്ങള്‍ അദ്ദേഹത്തിന്റെ തീരുമാനം അംഗീകരിക്കും, ഞങ്ങളുടെ വൈറ്റ്-ബോള്‍ പദ്ധതികളുടെ മുന്നോട്ടുള്ള ഒരു സുപ്രധാന ഭാഗമാണ് ഹസരംഗയെന്ന് ഉറപ്പുണ്ട്,” ശ്രീലങ്ക ക്രിക്കറ്റ് സിഇഒ ആഷ്‌ലി ഡി സില്‍വ പറഞ്ഞു. ഓള്‍റൗണ്ടര്‍ ശ്രീലങ്കയ്‌ക്കായി നാല് ടെസ്റ്റ് മത്സരങ്ങള്‍ കളിച്ചിട്ടുണ്ട്. 26 കാരനായ താരം 48 ഏകദിനങ്ങളിലും 58 ടി20 ഐ മത്സരങ്ങളിലും രാജ്യത്തെ പ്രതിനിധീകരിച്ചു.
10.75 കോടി രൂപയ്‌ക്കാണ് താരത്തെ റോയല്‍ ചലഞ്ചേഴ്‌സ് ബെംഗളുരു ടീമിലെത്തിച്ചത്. ഐ.പിഎല്ലിന് പുറമേ പല അന്താരാഷ്‌ട്ര ലീഗുകളിലും താരം കളിക്കുന്നുണ്ട്.
Comments