ഇന്ത്യ 77-ാം സ്വാതന്ത്ര്യദിനം ആഘോഷിക്കുമ്പോൾ ആരവങ്ങൾ നമ്മുടെ രാജ്യത്ത് മാത്രം ഒതുങ്ങി നിൽക്കുന്നില്ല. ഓരോ ഇന്ത്യൻ പൗരന്റെയും സിരകളിലൂടെ ഒഴുകുന്ന അഭിമാനത്തിന്റെ കണങ്ങൾ ഇപ്പോൾ വിവിധ യൂറോപ്യൻ മേഖലകളിലുംഅലയടിക്കുന്ന കാഴ്ചയാണ് സമൂഹ മാദ്ധ്യങ്ങളിൽ ഇടം പിടിക്കുന്നത്.
View this post on Instagram
“>
ലണ്ടനിലെ പ്രാന്ത പ്രദേശങ്ങളിൽ മുഴങ്ങി കേട്ടത് വിഷ് എന്ന സംഗീതജ്ഞന്റെ അനശ്വര സ്വരമായിരുന്നു. ‘ഇന്ത്യൻ പൗരരും, പാകിസ്താൻ പൗരരും ഒരുമിച്ച് സ്വാതന്ത്ര്യദിനം ആഘോഷിച്ചപ്പോൾ..’ എന്ന അടിക്കുറിപ്പോടെ വിഷ് തന്നെയാണ് ഇൻസ്റ്റഗ്രാം അക്കൗൺണ്ടിൽ ഗാനങ്ങൾ ആലപിച്ചതിന്റെ വീഡിയോ പോസ്റ്റ് ചെയ്തത്. ദേശഭക്തി ഗാനങ്ങളായ മാ തുജെ സലാം, തേരി മിട്ടി തുടങ്ങിയ ഗാനങ്ങളാണ് വിഷ് ആലപിച്ചത്. ഗായകന്റെ അടുത്ത് ദേശീയ പതാകകളേന്തി ഇന്ത്യക്കാർ ഗാനങ്ങൾ ആസ്വദിക്കുന്നത് കാണാം. നിമിഷ നേരങ്ങൾ കൊണ്ടാണ് ഈ ദൃശ്യങ്ങൾ സമൂഹ മാദ്ധ്യമങ്ങളിൽ വൈറലായിരിക്കുന്നത്.
