രാജ്യത്തിന്റെ ആദ്യ സൗരദൗത്യമാണ് ആദിത്യ എൽ-1. സൂര്യന്റെ അന്തരീക്ഷം, കാന്തിക മണ്ഡലം, കാലാവസ്ഥ, ഭൂമിയുടെ കാലാവസ്ഥയിൽ വരുത്തുന്ന മാറ്റങ്ങൾ എന്ന് തുടങ്ങി നിരവധി കാര്യങ്ങളിൽ ആദിത്യ എൽ-1 പഠനം നടത്തുമെന്ന് ഐഎസ്ആർഒ ചെയർമാൻ എസ്.സോമനാഥ് വ്യക്തമാക്കി.
ഭൂമിയുടെ ഭ്രമണപഥത്തിൽ സൂര്യനും ഭൂമിക്കും ഇടയിൽ ഏകദേശം 1.5 ദശലക്ഷം കിലോമീറ്റർ അകലെ് സ്ഥിതി ചെയ്യുന്ന ലഗ്രാൻജിയൻ പോയിന്റ്- എൽ1 പോയിന്റിലാകും ദൗത്യം നടത്തുകയെന്നും സോമനാഥ് വ്യക്തമാക്കി. 1500 കിലോഗ്രാം ഭാരമുള്ള പേടകത്തിൽ സൂര്യന്റെ അന്തരീക്ഷത്തിന്റെ വിവിധ ഭാഗങ്ങൾ പഠിക്കാൻ’പേലോഡ്’ എന്ന പ്രത്യേക ഉപകരണങ്ങൾ വഹിക്കും. ഏഴ് പേലോഡുകളാകും ഉപഗ്രഹം വഹിക്കുന്നത്. നാലെണ്ണം എൽ 1 എന്ന പ്രത്യേക സ്ഥാനത്ത് നിന്ന് സൂര്യനെ നേരിട്ട് നിരീക്ഷിക്കും. മറ്റ് മൂന്ന് പേലോഡുകൾ കണങ്ങളെയും ഫീൽഡുകളെയും കുറിച്ച് പഠിക്കും.
ആദിത്യ എൽ-1 ദൗത്യത്തിന്റെ പ്രത്യേകതകൾ ഇങ്ങനെ….
ആദിത്യ എൽ-1 ഓഗസ്റ്റ് 26-ന് വിക്ഷേപിക്കാനാണ് ഇസ്രോ പദ്ധതിയിടുന്നത്. ഇതിന് മുന്നോടിയായി പേടകം ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിലെത്തി. ഇതിന്റെ ചിത്രങ്ങൾ ഇസ്രോ പുറത്തുവിട്ടിരുന്നു.
