ഇന്ത്യയുടെ സൗര ദൗത്യമായ ആദിത്യ എൽ -1ന് അഭിനന്ദനങ്ങളറിയിച്ച് യൂറോപ്യൻ യൂണിയന്റെ ബഹിരാകാശ ഏജൻസി. സൂര്യനെ തേടി ഒരു പുതിയ നക്ഷത്രം കൂടി ഭ്രമണപഥത്തിലെത്തിയിരിക്കുന്നു എന്ന അടിക്കുറിപ്പോടെയാണ് ആശംസകൾ അറിയിച്ചിരിക്കുന്നത. ഇന്ത്യയ്‌ക്ക് പുറമെ അമേരിക്ക, ജപ്പാൻ, ചൈന എന്നീ രാജ്യങ്ങളും യൂറോപ്യൻ യൂണിയനുമാണ് സൗര ദൗത്യങ്ങൾ ഇതിന് മുൻപ് നടത്തിയിട്ടുള്ളത്.
നാസയുടെയും യൂറോപ്യൻ ബഹിരാകാശ ഏജൻസിയുടെയും സംയുക്ത പദ്ധതിയായ സോളാർ & ഹീലിയോസ്ഫെറിക് ഒബ്സർവേറ്ററി മിഷനും ലാഗ്രേഞ്ച് 1 പോയിന്റിൽ നിന്നും സൂര്യനെ പഠിക്കാൻ ലക്ഷ്യം വെച്ചുള്ളതാണ്. 1990 ഒക്ടോബറിലാണ് യൂറോപ്പ്യൻ യൂണിയന്റെ പ്രഥമ സൗര ദൗത്യമായ യുലീസസിനെ വിക്ഷേപിച്ചത്. 10 വർഷങ്ങൾക്ക് ശേഷം 2001 ഒക്ടോബറിൽ പ്രോജക്ട് ഫോർ ഓൺ ബോർഡ് ഓട്ടോണമിയെന്ന സൗരദൗത്യവും യുറോപ്യൻ യൂണിയൻ നടപ്പാക്കി.
— ESA (@esa) September 2, 2023
“>
