ഇന്ത്യൻ ബഹിരാകാശ ഗവേഷണത്തിലെ സുപ്രധാന നാഴികക്കല്ലായി സൗരദൗത്യം ആദിത്യ എൽ1 കുതിപ്പ് തുടരുന്നു. ഇപ്പോഴിതാ ആദിത്യ-എൽ1 പങ്കുവെച്ച ചിത്രമാണ് ശ്രദ്ധേയമാകുന്നത്. ഉപഗ്രഹം 70 സെമി ഗ്രോത്ത് ഇന്ത്യ ടെലിസ്‌കോപ്പ് ആണ് വിജയകരമായി ചിത്രം പകർത്തിയത്. മുകളിൽ വലത് വശത്ത് നിന്നും താഴെ ഇടത്തേക്ക് സഞ്ചരിക്കുന്ന ഡയഗണൽ സ്ട്രീക്ക് കാണിക്കുന്ന തരത്തിലാണ് ചിത്രം. ഇത് ഉപഗ്രഹത്തിന്റെ സഞ്ചാരപാതയെ ആണ് പ്രതിനിധീകരിക്കുന്നത്.
ബെംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ആസ്‌ട്രോഫിസിക്‌സിലെ ജിഐടി ഉപയോഗിച്ചാണ് ചിത്രം പകർത്തിയത്. ദൗത്യത്തിന് നേതൃത്വം നൽകിയത് ഐഎസ്ആർഒയാണ്. ഇസ്രോ തന്നെയാണ് ഉപഗ്രഹത്തിലെ ഏഴ് ശാസ്ത്രീയ പേലോഡുകളിൽ അഞ്ചെണ്ണം നിർമ്മിച്ചത്. ബാക്കിയുള്ള രണ്ട് പേലോഡുകൾ നിർമ്മിച്ചത് ഐഐഎയും പൂനെയിലെ ഇന്റർ യൂണിവേഴ്‌സിറ്റി സെന്റർ ഫോർ അസ്‌ട്രോണമി ആൻഡ് ആസ്‌ട്രോഫിസിക്‌സും ഇസ്രോയുമായി സംയുക്തമായി സഹകരിച്ചാണ്.
സെപ്റ്റംബർ രണ്ടിനാണ് ആന്ധ്രാപ്രദേശിലെ ശ്രീഹരിക്കോട്ടയിൽ നിന്നും ആദിത്യ എൽ1 വിക്ഷേപിക്കുന്നത്. 15 ദശലക്ഷം കിലോമീറ്റർ സഞ്ചരിച്ച് 125 ദിവസം സഞ്ചരിച്ചാകും പേടകം ലക്ഷ്യ സ്ഥാനത്തെത്തുക.
