ന്യൂഡല്ഹി: സമീപകാലത്തെ ഏറ്റവും മോശമായ ഫോമിലൂടെ കടന്നുപോകുന്ന ഒളിമ്പിക് മെഡല് ജേതാവ് പിവി സിന്ധുവിനെ വിമര്ശിച്ച് മുന് ഇന്ത്യന് ദേശീയ ടീം പരിശീലകന് വിമല് കുമാര്. നടക്കാനിരിക്കുന്ന ഏഷ്യന് ഗെയിംസില് സിന്ധുവിന് മെഡല് നേടാനാകില്ലെന്ന് നിരീക്ഷിക്കുന്ന വിമല്കുമാര് താരത്തിന് ആത്മവിശ്വാസമില്ലെന്നും വിമര്ശിക്കുന്നു.പ്രകാശ് പദുക്കോണ് ബാഡ്മിന്റണ് അക്കാദമിയുടെ ഡയറക്ടറാണ് വിമല്കുമാര്
നിലവില് പ്രകാശ് പദുകോണിന്റെ കീഴില് പരിശീലിക്കുന്ന സിന്ധു രണ്ടുതവണയാണ് രാജ്യത്തിനായി ഒളിമ്പിക്സില് മെഡല് നേടുന്നത്. എന്നാല് അതിന് ശേഷം വലിയ ടൂര്ണമെന്റിലൊന്നും സിന്ധുവിന് കിരീടം നേടാന് കഴിഞ്ഞിരുന്നില്ല. കാനഡ ഓപ്പണില് സെമി ഫൈനലിലെത്തിയതൊഴിച്ചാല് മികച്ച പ്രകടനം പുറത്തെടുക്കാന് സിന്ധുവിന് സാധിച്ചിട്ടില്ല. യുഎസ് ഓപ്പണിലും ഓസ്ട്രേലിയന് ഓപ്പണിലും താരം ക്വാര്ട്ടര് ഫൈനലിലും തോറ്റുപുറത്താവുകയായിരുന്നു.
‘സിന്ധുവിന് ആത്മവിശ്വാസം കുറവാണ്. താരത്തിന് പ്രചോദനം നല്കാന് പ്രകാശ് നന്നായി ശ്രമിക്കുന്നുണ്ട്. നന്നായി കഠിനാദ്ധ്വാനം ചെയ്താല് മാത്രമേ സിന്ധുവിന് ഏഷ്യന് ഗെയിംസില് മെഡല് നേടാനാകൂ. സിന്ധു ഇത്തവണ മെഡല് നേടുമെന്ന് തോന്നുന്നില്ല’ – വിമല് കുമാര് വ്യക്തമാക്കി.
