ന്യൂഡൽഹി: സൗദി അറേബ്യൻ കിരീടവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ ബിൻ അബ്ദുൽ അസീസ് അൽ സൗദിന് രാഷ്ട്രപതി ദ്രൗപദി മുർമു അത്താഴ വിരുന്നൊരുക്കി. രാഷ്ട്രപതി ഭവനിലെത്തിയ സൗദി അറേബ്യൻ കിരീടവകാശിയുമായി രാഷ്ട്രപതി ഹ്രസ്വ ചർച്ചയിലേർപ്പെട്ടു.
‘ഇന്ത്യയും സൗദി അറേബ്യയും തമ്മിൽ സാംസ്‌കാരിക അനുഭവങ്ങളും, സാമ്പത്തിക സമന്വയങ്ങളും, സമാധാനപരമായ ലോകത്തിന് വേണ്ടിയുള്ള പൊതു പ്രതിബദ്ധതയും കാത്തുസൂക്ഷിക്കുന്നുണ്ടെന്ന് രാഷ്ട്രപതി ട്വിറ്ററിൽ കുറിച്ചു.
President Droupadi Murmu hosted a banquet in the honour of His Royal Highness Prince Mohammed bin Salman bin Abdulaziz Al Saud, Crown Prince and Prime Minister of the Kingdom of Saudi Arabia at Rashtrapati Bhavan.
President Murmu said that India and Saudi Arabia’s shared… pic.twitter.com/tytOMelYQu— President of India (@rashtrapatibhvn) September 11, 2023
‘കഴിഞ്ഞ ഏതാനും വർഷങ്ങളിലൂടെ ഇന്ത്യയും സൗദി അറേബ്യയും തമ്മിലുള്ള ഉഭയകക്ഷി ബന്ധം ശക്തമായിരിക്കുകയാണ്. വരുന്ന നൂറ്റാണ്ട് ഇരു രാജ്യങ്ങളുടെയും സുസ്ഥിര വികസനത്തിന്റെ കാലമായിരിക്കും. സൗദി അറേബ്യൻ കിരീടാവകാശിയുടെ ഇന്ത്യാ സന്ദർശനവും ജി20 ഉച്ചകോടിയിലെ പങ്കാളിത്തവും ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം കൂടുതൽ ദൃഢമാക്കുമെന്നും’രാഷ്ട്രപതി പറഞ്ഞു.
