ഏഷ്യൻ ഗെയിംസിനായുളള ഇന്ത്യൻ പുരുഷ ഫുട്ബോൾ ടീമിനെ പ്രഖ്യാപിച്ചു. സുനിൽ ഛേത്രിയാണ് സംഘത്തെ നയിക്കുക. ഏഷ്യൻ ഗെയിംസിനായി ഐഎസ്എൽ ക്ലബ്ബുകൾ താരങ്ങളെ വിട്ട് നൽകാൻ തയ്യാറാകാതെ വന്നതോടെ പുതിയ ടീമിനെയാണ് ഇപ്പോൾ എഐഎഫ്എഫ് പ്രഖ്യാപിച്ചിരിക്കുന്നത്. കേരള ബ്ലാസ്റ്റേഴ്സ് താരം രാഹുൽ കെപി, അബൂൾ റബീഹ് എന്നിവരാണ് ടീമിലെ മലയാളി സാന്നിധ്യം.
ഛേത്രി, ജിങ്കാൻ, സന്ധു എന്നീ 3 മുൻനിര താരങ്ങളെ ഉൾപ്പെടുത്തി എഐഎഫ്എഫ് 22 അംഗ ഇന്ത്യൻ ടീമിനെ നേരത്തെ പ്രഖ്യാപിച്ചിരുന്നു. ഇതിൽ 6 പേർ ബെംഗളൂരു എഫ്സിയുടെയും 3 പേർ മുംബൈ സിറ്റി എഫ്സിയുടെയും താരങ്ങളാണ്. കേരള ബ്ലാസ്റ്റേഴ്സ്, മോഹൻ ബഗാൻ, ഈസ്റ്റ് ബംഗാൾ, ഒഡീഷ എഫ്സി എന്നിവയിൽനിന്ന് 2 വീതം താരങ്ങളുണ്ടായിരുന്നു. ചൈനയിലെ ഹാങ്ചൗവിൽ സെപ്റ്റംബർ 19 മുതലാണ് ഏഷ്യൻ ഗെയിംസ് ഫുട്ബോൾ മത്സരങ്ങൾ ആരംഭിക്കുന്നത്. ഇതിനായി ഈ മാസം 16ന് ടീം പുറപ്പെടണം. എന്നാൽ, ഇതിനിടെ 21ന് ഐഎസ്എൽ സീസൺ ആരംഭിക്കുന്നതാണ് താരങ്ങളെ വിട്ട് നൽകാൻ ക്ലബ്ബുകൾ വിസമ്മതിച്ചതിന് കാരണം.
ഇന്ത്യൻ സ്ക്വാഡ്: ഗുർമീത് സിംഗ്, ധീരജ് സിംഗ് മൊയ്റംഗ്തെം, സുമിത് രതി, നരേന്ദർ ഗഹ്ലോട്ട്, അമർജിത് സിംഗ് കിയാം, സാമുവൽ ജെയിംസ്, രാഹുൽ കെപി, അബ്ദുൾ റബീഹ് അഞ്ചുകണ്ടൻ, ആയുഷ് ദേവ് ഛേത്രി, ബ്രൈസ് മിറാൻഡ, അസ്ഫർ നൂറാനി, റഹീം അലി, വിൻസി ബരേത്, ജി സുനിൽ ഛേത്രി, രോഹിത്ത് ഛേത്രി സിംഗ്, അനികേത് ജാദവ്
Comments