വെള്ളക്കുപ്പിയുമായി കിംഗിന്റെ വല്ലാത്തൊരു ഓട്ടം; ഡ്രിംഗ്സ് ബ്രേക്കിനിടെ തരംഗമായി കോഹ്ലി റൺ

കൊളംബോ: ഏഷ്യകപ്പിലെ അവസാന ഗ്രൂപ്പ് മത്സരത്തിൽ ബംഗ്ലാദേശിനെ നേരിടുന്ന ഇന്ത്യ അഞ്ചു മാറ്റങ്ങളുമായാണ് ഇറങ്ങിയത്. പ്രമുഖർക്കെല്ലാം വിശ്രമം നൽകിയപ്പോൾ ഇതുവരെ അസവരം ലഭിക്കാതിരുന്ന ഷമി അടക്കമുള്ളവർ ഇന്ന് പ്ലേയിംഗ് ഇലവനിൽ ഇടംപിടിച്ചു.അതേസമയം വിശ്രമം ലഭിച്ച കോഹ്ലി അടക്കമുള്ളവർ ലഭിച്ച അവധി ദിവസം ആനന്ദകരമാക്കുകയാണ്. ഇതിന്റെ ഒരു വീഡിയോയാണ് സോഷ്യൽ മീഡയയിൽ വൈറലാകുന്നത്.

ഡ്രിങ്ക് ഇടവേളകളിൽ സഹതാരങ്ങൾക്ക് ഗ്രൗണ്ടിലേക്ക് വെള്ളക്കുപ്പിയുമായി വരാറുള്ളത് ടീമിലെ ഏറ്റവും ജൂനിയർ താരങ്ങളാണെങ്കിൽ ബംഗ്ലാദേശിനെതിരെ രോഹിത്തിനും സംഘത്തിനും വെള്ളക്കുപ്പികളുമായി ഗ്രൗണ്ടിലേക്ക് ആദ്യം ഓടിയെത്തിയത് വിരാട് കോഹ്ലിയായിരുന്നു. താരത്തിന്റെ പ്രത്യേക രീതിയിലുള്ള ഓട്ടം ഇതിനിടെ ക്യാമറ കണ്ണുകൾ ഒപ്പിയെടുത്തു. ഇത് നിമഷ നേരങ്ങൾക്കകം വൈറലാവുകയും ചെയ്തു.

കൂടെയുണ്ടായിരുന്ന മുഹമ്മദ് സിറാജിനും കിംഗിന്റെ ഓട്ടം കണ്ട് ചിരിയടക്കാനായില്ല. വിരാട് കോഹ്ലി, ജസ്പ്രീത് ബുമ്ര,ഹാർദിക് പാണ്ഡ്യ, മുഹമ്മദ് സിറാജ്, കുൽദീപ് യാദവ്, എന്നിവർക്ക് ഇന്ത്യ വിശ്രമം നൽകിയപ്പോൾ തിലക് വർമ, സൂര്യകുമാർ യാദവ്, ഷാർദ്ദുൽ താക്കൂർ, മുഹമ്മദ് ഷമി, പ്രസിദ്ധ് കൃഷ്ണ എന്നിവരാണ് ഇന്ത്യയുടെ ആദ്യ ഇലവനിലെത്തിയത്.

On the field or off the field, can’t get our eyes off this guy 👀#INDvBAN live now only on #DisneyPlusHotstar, free on the mobile app.#FreeMeinDekhteJaao #AsiaCup2023 #AsiaCupOnHotstar #Cricket pic.twitter.com/emqbnrl6Vp

— Disney+ Hotstar (@DisneyPlusHS) September 15, 2023

“>