നരേന്ദ്രമോദിയെ പോലെ സമൂഹമാദ്ധ്യമങ്ങളിൽ ഇത്രയും ആക്ടിവായ മറ്റൊരു രാഷ്ട്രീയ നേതാവും കാണില്ല. ഇത്തരം സമൂഹമാദ്ധ്യമങ്ങളെ ആവേശത്തോടെ പിന്തുടരുന്ന വ്യക്തി കൂടിയാണ് അദ്ദേഹം. എക്സിലും ഫേസ്ബുക്കിലും മറ്റ് മാദ്ധ്യമങ്ങളിലും നിരവധി ഫോളോവേഴ്സാണ് ആദ്ദേഹത്തിനുള്ളത്. സാധാരണക്കാരുമായി സംവദിക്കാനായി അദ്ദേഹം സമൂഹമാദ്ധ്യമങ്ങളാണ് അധികവും ഉപയോഗിക്കുന്നത്. സാങ്കേതികസാധ്യതകളെ കൃത്യമായ അവസരമായി ഉപയോഗിക്കാനും അദ്ദേഹത്തിന് സാധിക്കാറുണ്ട്.
ഇതിന് പിന്നാലെയാണ് ഇപ്പോൾ പ്രധാനമന്ത്രി നരേന്ദ്രമോദി വാട്സ്ആപ്പ് ചാനൽ ആരംഭിച്ചിരിക്കുന്നത്. ചാനൽ തുടങ്ങി മണിക്കൂറുകൾക്കകം തന്നെ 36 ലക്ഷം പേരാണ് ചാനലലിൽ എത്തിയത്. വാട്സ്ആപ്പ് ചാനലിൽ അദ്ദേഹം ആദ്യ പോസ്റ്റും പങ്കുവെച്ചിട്ടുണ്ട്. പുതിയ പാർലമെന്റ് മന്ദിരത്തിലെ പ്രധാനമന്ത്രിയുടെ ഓഫീസിൽ കർമ്മനിരതനായ ചിത്രമാണ് അദ്ദേഹം പങ്കുവെച്ചത്. ചാനൽ ആരംഭി്ചതിൽ സന്തോഷമുണ്ടെന്നായിരുന്നു ചിത്രത്തിന് ഒപ്പം പങ്കുവെച്ച കുറിപ്പിൽ അദ്ദേഹം പറഞ്ഞു. ജനങ്ങളുമായി തുടർച്ചയായി നടത്തുന്ന ആശയവിനിമയത്തിന്റെ യാത്രയിൽ ഇത് മറ്റൊരു പടിയാണെന്നും അദ്ദേഹം കൂട്ടിച്ചേർത്തു.
