ഭോപ്പാൽ: ഡൽഹിയിലെ ആനന്ദ് വിഹാർ റെയിൽവേ സ്റ്റേഷനിൽ സ്യൂട്ട്കേസ് തലയിൽ ചുമന്ന കോൺഗ്രസ് എംപി രാഹുലിനെ പരിഹസിച്ച് മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ.
എനിക്ക് ആശ്ചര്യം തോന്നുന്നു. ചക്രങ്ങളുള്ള സ്യൂട്ട്കേസ് വലിച്ച് കൊണ്ടുപോകുന്നതിന് പകരം തലയിൽ ചുമക്കുന്നു. ഇത്തരമൊരു നേതാവിന് കീഴിലാണ് കോൺഗ്രസ് ഇന്ന്. പാർട്ടിയുടെ ഭാവി എന്തായിരിക്കും – അദ്ദേഹം ചോദിച്ചു.
കഴിഞ്ഞ ദിവസമാണ് ഡൽഹിയിലെ ആനന്ദ് വിഹാർ റെയിൽവേ സ്റ്റേഷനിൽ ചുമട്ടുത്തൊഴിലാളികൾക്കൊപ്പം രാഹുൽ സ്യൂട്ട്കേസ് ചുമന്നത്. തൊളിലാളികളുടെ ചുവന്ന വേഷം ധരിച്ചായിരുന്നു രാഹുൽ പെട്ടി ചുമന്നത്. ചിത്രങ്ങൾ സമൂഹമാദ്ധ്യമങ്ങളിൽ വൈറലായിരുന്നു. പിന്നാലെ ചിത്രം വിമർശനങ്ങളും ഏറ്റുവാങ്ങിയിരുന്നു.