പഴയ ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ആൻഡ്രോയിഡ് ഫോണുകളിൽ വാട്സ്ആപ്പ് പണി നിർത്തുന്നു. ഒക്ടോബർ 24-ന് ശേഷമാകും വാട്സ്ആപ്പ് സേവനം നിർത്തുകയെന്ന് മെറ്റ അറിയിച്ചു.
നിലവിൽ 4.1-നും അതിന് ശേഷവുമുള്ള ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ആൻഡ്രോയിഡ് ഫോണുകളെ വാട്സ്്ആപ്പ് സപ്പോർട്ട് ചെയ്യുന്നുണ്ട്. എന്നാൽ ഒക്ടോബർ 24ന് ശേഷം 5.00നും അതിന് ശേഷവുമുള്ള ആൻഡ്രോയിഡ് വേർഷനുകളെ മാത്രമേ വാട്സ്ആപ്പ് സപ്പോർട്ട് ചെയ്യുകയുള്ളൂ എന്നാണ് കമ്പനി അറിയിച്ചത്. പഴയ വേർഷനിലാണ് ആൻഡ്രോയിഡ് ഫോൺ പ്രവർത്തിക്കുന്നതെങ്കിൽ ഒന്നെങ്കിൽ ആൻഡ്രോയിഡ് 5.0-ലേക്ക് ഡിവൈസിനെ അപ്ഡേറ്റ് ചെയ്യുക. അല്ലെങ്കിൽ പുതിയ വേർഷനിലേക്ക് മാറ്റാനാണ് കമ്പനി പറയുന്നത്.
