പുതിയതായി ഡെബിറ്റ് അല്ലെങ്കിൽ ക്രെഡിറ്റ് കാർഡ് ലഭിക്കുകയാണെങ്കിൽ ഇത് ഏത് രീതിയിൽ ആണ് ഉപയോഗിക്കേണ്ടത് എന്നത് സംബന്ധിച്ച് പലർക്കും ധാരണയുണ്ടാകില്ല. മിക്ക സന്ദർഭങ്ങളിലും ബാങ്കുകൾ ഇത് സംബന്ധിച്ച് കൃത്യമായ ധാരണ ഉപഭോക്തക്കളിലേക്ക് എത്തിക്കാറുണ്ട്. കാർഡ് അനുവദിക്കുമ്പോൾ തന്നെ ഇടപാട് നിയന്ത്രണ പരിധി സജ്ജീകരിക്കേണ്ടതായുണ്ട്.
നെറ്റ് ബാങ്കിംഗ്, മൊബൈൽ ആപ്പ് അല്ലെങ്കിൽ ബ്രാഞ്ച് മുഖേനയോ ബാങ്കിന്റെ കൺട്രോൾ സിസ്റ്റത്തിൽ കാർഡ് കൺട്രോൾ ഓപ്ഷനുകൾ പ്രവർത്തന ക്ഷമമാക്കണം. അല്ലാത്ത പക്ഷം ഓൺലൈൻ അല്ലെങ്കിൽ ഓഫ്ലൈൻ ഇടപാടുകൾക്കായി ഡെബിറ്റ് അല്ലെങ്കിൽ ക്രെഡിറ്റ് കാർഡ് ഉപയോഗിക്കാൻ സാധിക്കില്ല. കാർഡ് ഉടമകളുടെ സുരക്ഷ വർദ്ധിപ്പിക്കുന്നതിന് വേണ്ടിയാണ് ബാങ്കുകൾ ഇത്തരത്തിൽ നിബന്ധനകൾ പുറപ്പെടുവിക്കുന്നത്. കൂടാതെ ഉപഭോക്താക്കൾക്ക് അവരുടെ കാർഡുകൾ എങ്ങനെ ഉപയോഗിക്കുന്നു എന്നതിലും നിയന്ത്രണം നൽകുന്നതിനാണിത്.
പുതിയ മാർഗ്ഗ നിർദ്ദേശങ്ങൾ അനുസരിച്ച് കാർഡ് ഉപയോക്താക്കൾക്ക് നിലവിൽ അന്താരാഷ്ട്ര പെയ്മെന്റ് മോഡുകൾ തിരഞ്ഞെടുക്കുന്നത് സംബന്ധിച്ചും തീരുമാനം എടുക്കാനാകും. കാർഡുകൾ ആഭ്യന്തര അല്ലെങ്കിൽ അന്തർദേശീയ ഇടപാടുകൾക്ക് ഉപയോഗിക്കാൻ അനുവദിക്കുന്നത് സംബന്ധിച്ചും തീരുമാനം എടുക്കാനാകും. ഓൺലൈൻ പർച്ചേസുകൾ, കോൺടാക്ട്ലെസ് പെയ്മെന്റുകൾ എന്നിങ്ങനെയുള്ള കാര്യങ്ങളിൽ ഉപയോക്തക്കൾക്ക് തീരുമാനിക്കാനാകും. ബാങ്കിന്റെ നെറ്റ് ബാങ്കിംഗ് മുഖേനയോ മൊബൈൽ ബാങ്കിംഗ് വഴിയോ ചെയ്യാവുന്നതാണ്. ബാങ്കിന്റെ പോർട്ടൽ വഴിയോ, മൊബൈൽ ബാങ്കിംഗ് ആപ്പ് ഡൗൺലോഡ് ചെയ്യുകയോ വഴി അക്കൗണ്ടിൽ ലോഗിൻ ചെയ്യുകയും ഇടപാട് പരിധി നിശ്ചയിക്കുകയും ചെയ്യാവുന്നതാണ്.
