പുത്തൻ മാറ്റങ്ങളോടെ പുതിയ ഫീച്ചറുകളുമായി ജൂപ്പിറ്റർ 125 വിപണിയിൽ. മൂന്ന് മോഡലുകളിൽ ഇപ്പോൾ ഈ ഇരുചക്രവാഹനം ലഭിക്കും. 96,855 രൂപ (എക്സ് ഷോറൂം, ഡൽഹി) വിലയുള്ള ഈ വാഹനം ടിവിഎസ് കമ്പനി സ്മാർട്ട് എക്സ് കണക്ടിനൊപ്പമാണ് പുറത്തിറക്കിയത്. പുതിയ മോഡലിന്റെ ഡിസൈനിലും എൻജിനിലും മാറ്റങ്ങൾ ഒന്നും ഇല്ല. എലഗന്റ് റെഡ്, മാറ്റ് കോപ്പർ ബ്രോൺസ് എന്നീ രണ്ട് നിറങ്ങളിലാണ് പുതിയ മോഡൽ ലഭ്യമാവുക.
8.04 bhp കരുത്തും 10.5 nm ടോർക്കും ഉത്പാദിപ്പിക്കുന്ന സിവിടി ട്രാൻസ്മിഷൻ സംവിധാനത്തോടെ വരുന്ന 124.8 സിസി എഞ്ചിനാണ് വാഹനത്തിന് കരുത്തേകുന്നത്. മുൻവശത്ത് ഡിസ്ക് ബ്രേക്കും 12 ഇഞ്ച് അലോയി, സ്റ്റീൽ വീലുകളും നൽകിയിട്ടുണ്ട്.
വാഹനത്തിലെ സ്മാർട്ട് എക്സ് കണക്ട്, ആൻഡ്രോയിഡ്, ഐഒഎസ് പ്ലാറ്റ്ഫോമുകളിൽ ലഭ്യമായ ഒരു എക്സ്ക്ലൂസീവ് ടിവിഎസ് കണക്ട് മൊബൈൽ ആപ്പിലൂടെ സ്മാർട്ട്ഫോണുകളിലേക്ക് കണക്റ്റുചെയ്യാം. സോഷ്യൽ മീഡിയ പ്ലാറ്റ്ഫോമിൽ നിന്നുള്ള അലർട്ടുകൾ, ഭക്ഷണം/ഷോപ്പിംഗ് ആപ്ലിക്കേഷനുകൾ, തത്സമയ സ്പോർട്സ് സ്കോറുകൾ, കാലാവസ്ഥാ അപ്ഡേറ്റുകൾ, വാർത്താ അപ്ഡേറ്റുകൾ, ടേൺ-ബൈ-ടേൺ നാവിഗേഷൻ, വോയ്സ് അസിസ്റ്റൻസ്, കോൾ & മെസേജ് എന്നിവ ഈ ആപ്ലിക്കേഷൻ വാഗ്ദാനം ചെയ്യുന്നുണ്ട്.
കൂടാതെ സ്കൂട്ടറിൽ ഇൻകമിംഗ് കോൾ, മെസേജ് അറിയിപ്പുകൾ എന്നിവ ദൃശ്യമാകും. 108 കിലോഗ്രാം ആണ് ഇതിന്റെ ഭാരം , കൂടാതെ 33 ലിറ്റർ ബൂട്ട് സ്പേസും ഉണ്ട്. എഞ്ചിൻ ഓഫാക്കിയതിന് ശേഷവും 20 സെക്കൻഡ് നേരത്തേക്ക് ഹെഡ്ലാമ്പ് പ്രകാശിക്കുന്നത് ഫോളോ മി ഹെഡ്ലാമ്പ് എന്ന ഫീച്ചറിന്റെ പ്രത്യേകതയാണ്.