വിർജിൻ ഗലാക്റ്റിക് നവംബർ രണ്ടിന് ബഹിരാകാശത്തേക്കുള്ള അടുത്ത വിനോദയാത്ര നടത്തുമെന്ന് പ്രഖ്യാപിച്ചു. റിച്ചാർഡ് ബ്രാൻസൺ സ്ഥാപിച്ച ബഹിരാകാശ യാത്രാ കമ്പനിയാണ് വിർജിൻ ഗലാക്റ്റിക്. ഈ വർഷം നടക്കുന്ന കമ്പനിയുടെ ആറാമത്തെ ബഹിരാകാശ യാത്രയാണിത്. ഇതോടെ വിർജിൻ ഗലാക്റ്റിക് നടത്തുന്ന പത്താമത്തെ യാത്രയാണിത്.
ഗാലക്റ്റിക് 05 ദൗത്യം ബഹിരാകാശം കേന്ദ്രമാക്കിയുള്ള ഗവേഷണത്തിനുള്ള സ്പേസ് ലാബായി പ്രവർത്തിക്കും. ബഹിരാകാശ പേടകത്തിൽ മൂന്ന് പേരാണ് ഉള്ളത്. ദൗത്യസംഘത്തിൽ യുഎസ് പ്ലാനറ്ററി സയന്റിസ്റ്റും സൗത്ത് വെസ്റ്റ് റിസർച്ച് ഇൻസ്റ്റിറ്റ്യൂട്ടിന്റെ (SwRI) ബഹിരാകാശ മേഖലയിലെ അസോസിയേറ്റ് വൈസ് പ്രസിഡന്റുമായ ഡോ. അലൻ സ്റ്റേൺ, ഇന്റർനാഷണൽ ഇൻസ്റ്റിറ്റ്യൂട്ട് ഫോർ ആസ്ട്രോനോട്ടിക്കൽ സയൻസസിനായുള്ള യുഎസ് പേലോഡ് സ്പെഷ്യലിസ്റ്റും ബയോ ആസ്ട്രോനോട്ടിക്സ് ഗവേഷകയുമായ കെല്ലി ജെറാർഡി എന്നിവരും ഒരു സ്വകാര്യ ബഹിരാകാശ സഞ്ചാരിയും ഉൾപ്പെടുന്നു.
ഗാലക്റ്റി 05 ദൗത്യം ഗാലക്റ്റിക്സിന്റെ ആറാമത്തെ ബഹിരാകാശ ഗവേഷണ ദൗത്യമാണ്. കൂടാതെ ഈ വർഷം നടക്കുന്ന രണ്ടാമത്തെ ദൗത്യമാണിത്.
