വിരമിച്ചത് അന്താരാഷ്‌ട്ര ക്രിക്കറ്റില്‍ നിന്ന് മാത്രം…! ചെന്നൈയെ നയിക്കാന്‍ ഞാനുണ്ടാകുമെന്ന് തല; ഐ.പി.എല്‍ ലേലം ദുബായില്‍

ചെന്നൈയെ നയിക്കാന്‍ വരുന്ന സീസണിലും മഹേന്ദ്ര സിംഗ് ധോണിയുണ്ടാകുമെന്ന കാര്യം ഉറപ്പായി. താരം തന്നെയാണ് ഇക്കാര്യ വ്യക്തമാക്കിയത്. ബെംഗളൂരുവില്‍ നടന്ന ഒരു ചടങ്ങില്‍ സംസാരിക്കവെ ആണ് ധോണി താന്‍ വിരമിച്ചിട്ടില്ല എന്ന കാര്യം ഓര്‍മ്മിപ്പിച്ചത്.

അവതാരകന്‍ ധോണിയോട് താങ്കള്‍ വിരമിച്ചല്ലോ എന്ന് അഭിസംബോധന ചെയ്തപ്പോള്‍ അടുത്തിരുന്നാള്‍ തിരുത്തി അന്താരാഷ്‌ട്ര ക്രിക്കറ്റില്‍ നിന്ന് മാത്രമാണ് വിരമിച്ചത് വ്യക്തമാക്കി. ധോണി ഇതിന് ചിരിച്ചു കൊണ്ട് അതെ എന്ന് പറയുകയും ചെയ്തു.ഇതിനിടെ ആരാധകര്‍ ആര്‍പ്പുവിളിക്കാനും തുടങ്ങി.

”മുട്ടിന് നടത്തിയ ശസ്ത്രക്രിയയെ താന്‍ അതിജീവിച്ചു, ഇപ്പോള്‍ സുഖം പ്രാപിക്കുന്നു, നവംബറോടെ സാധാരണ രീതിയിലേക്ക് മടങ്ങാനാവുമെന്ന് ഡോക്ടര്‍ പറഞ്ഞു”-ധോണി പറഞ്ഞു.

ഡിസംബര്‍ 15 മുതല്‍ 19 വരെയാകും 2024ലെ ഐ.പി.എല്‍ ലേലം ദുബായില്‍ നടക്കുക. നവംബര്‍ 15ന് മുന്‍പ് നിലനിര്‍ത്തുന്ന താരങ്ങളുടെ പട്ടിക നല്‍കാന്‍ ടീമുകളോട് ബിസിസിഐ ആവശ്യപ്പെട്ടിട്ടുണ്ട്. നിലവില്‍ ട്രെയിഡിംഗ് വിന്‍ഡോ തുറന്നിട്ടുണ്ട്. 100 കോടി രൂപ ഓരോ ടീമിലും ലേലത്തിനായി വിനിയോഗിക്കാനാകും.

Thala Dhoni provides update on playing IPL 2024 and his knee surgery! 😍💛💥@MSDhoni #MSDhoni #WhistlePodu pic.twitter.com/Nffu5Co2f1

— DHONI Era™ 🤩 (@TheDhoniEra) October 26, 2023

“>