ഗാസ ; വ്യോമാക്രമണത്തിൽ ഗാസയിലെ അഞ്ച് പള്ളികൾ കൂടി തകർന്നു . ഒക്‌ടോബർ 7 മുതൽ നടത്തിയ വ്യോമാക്രമണത്തിൽ 33 മസ്ജിദുകളാണ് തകർന്നതെന്ന് ഗാസ ആസ്ഥാനമായുള്ള എൻഡോവ്‌മെന്റ് ആൻഡ് റിലീജിയസ് അഫയേഴ്‌സ് മന്ത്രാലയം പറഞ്ഞു. മന്ത്രാലയത്തിന്റെ ആസ്ഥാനം, ഖുറാൻ റേഡിയോ സ്റ്റേഷൻ, എന്നിവയും ഇസ്രായേൽ ആക്രമണത്തിൽ തകർന്നു.
മൂന്ന് പള്ളികൾക്ക് ഭാഗികമായും കേടുപാടുകളുണ്ട് . മാത്രമല്ല ഹമാസിന്റെ റോക്കറ്റ് മാൻ ഹസൻ അൽ അബ്ദുല്ല ആക്രമണത്തിൽ കൊല്ലപ്പെട്ടു . വടക്കൻ ഗാസയിൽ നിന്ന് ഇസ്രായേലിലേക്ക് റോക്കറ്റുകൾ തൊടുത്തതിന് ഉത്തരവാദി അബ്ദുള്ളയായിരുന്നു.
അതിനിടെ ഹമാസ് പ്രതിനിധികൾ മോസ്കോയിലെത്തി റഷ്യൻ വിദേശകാര്യമന്ത്രിയുമായി കൂടിക്കാഴ്ച നടത്തി. ബന്ദികളാക്കിയ വിദേശ പൗരന്മാരുടെ മോചനവുമായി ബന്ധപ്പെട്ട ചർച്ച നടത്താനാണ് ഹമാസ് അംഗം അബു മർസൗക്കിന്റെ നേതൃത്വത്തിലുള്ള സംഘം മോസ്കോയിലെത്തിയതെന്ന് റഷ്യൻ വാർത്താ ഏജന്‍സികൾ റിപ്പോർട്ടു ചെയ്തു. ബന്ദികളാക്കിയവരുടെ കൂട്ടത്തിൽ റഷ്യൻ പൗരരും ഉള്ളതായാണു വിവരം
