ഇംഗ്ലണ്ടിനെതിരെ ഒരുവേള തകര്‍ച്ചയെ അഭിമുഖീകരിച്ച ഇന്ത്യ കരകയറി. നായകനായി 100-ാം മത്സരം കളിക്കുന്ന രോഹിത് ശര്‍മ്മ അര്‍ദ്ധ ശതകം പൂര്‍ത്തിയാക്കിയ മത്സരത്തില്‍ ഇന്ത്യ 4 വിക്കറ്റ് നഷ്ടത്തില്‍ 135 റണ്‍സ് എന്ന നിലയിലാണ്. 30 ഓവറുകള്‍ പൂര്‍ത്തിയാകുമ്പോള്‍ റണ്ണൊന്നുമെടുക്കാതെ കോലിയും 4 റണ്‍സെടുത്ത ശ്രേയസ് അയ്യറും 9 റണ്‍സെടുത്ത ഗില്ലുമാണ് പുറത്തായത്.
ക്രിസ് വോക്‌സിനും ഡേവിഡ് വില്ലിക്കും രണ്ടു വിക്കറ്റ് ലഭിച്ചു. 86 പന്തില്‍ 10 ബൗണ്ടറിയും 3 കൂറ്റന്‍ സിക്‌സറുകളുമടക്കം 79 റണ്‍സുമായി രോഹിതും റണ്ണെന്നുമെടുക്കാതെ സൂര്യകുമാര്‍ യാദവുമാണ് ക്രീസില്‍ 39 റണ്‍സെടുത്ത കെ.എല്‍ രാഹുലിന്റെ വിക്കറ്റാണ് ഒടുവില്‍ നഷ്ടമായത്.
ഒരു കലണ്ടര്‍ വര്‍ഷത്തില്‍ 1,000 റണ്‍സെടുത്ത ക്യാപ്റ്റന്‍മാരുടെ ലിസ്റ്റിലേക്ക് രോഹിത് ശര്‍മ്മയും ഇടംപിടിച്ചു.
