പൂനെ: ഐസ് ഭീകരൻ എൻഐഎയുടെ പിടിയിൽ. എൻഐഎ മൂന്ന് ലക്ഷം രൂപ പാരിതോഷികം പ്രഖ്യാപിച്ച പൂനെ ഐസ് മൊഡ്യൂൾ കേസിലെ പ്രതിയാണ് പിടിയിലായത്. ഝാർഖണ്ഡ് സ്വദേശി മുഹമ്മദ് ഷാനവാസ് ആലമത്തിനെയാണ് ദേശീയ അന്വേഷണ ഏജൻസി അറസ്റ്റ് ചെയ്തത്.
പ്രതിക്ക് കേസിൽ ഉൾപ്പെട്ട മറ്റുളളവരുമായി നേരിട്ട് ബന്ധമുണ്ടെന്ന് എൻഐഎ കണ്ടെത്തിയിരുന്നു. ഇയാൾ ഭീകരർക്ക് ആയുധ പരിശീലനത്തിനായി സഹായം നൽകുകയും ബോംബുകൾ നിർമ്മിക്കുകയും ചെയ്തതായി എൻഐഎ നടത്തിയ അന്വേഷണത്തിൽ കണ്ടെത്തിയിരുന്നു. ഷാനവാസ് ഇന്ത്യയിൽ ഇസ്ലാമിക രാജ്യം സ്ഥാപിക്കുകയെന്ന ലക്ഷ്യത്തോടെ പ്രവർത്തിക്കുകയും അതിനായി ഗൂഢാലോചന നടത്തിയതായും എൻഐഎ പറയുന്നു.
