മസ്‌കറ്റ്: ഒമാനിലേക്ക് മയക്കുമരുന്ന് കടത്തിയ മൂന്ന് പ്രവാസികൾ പിടിയിൽ. റോയൽ ഒമാൻ പോലീസാണ് മൂന്നംഗ സംഘത്തെ പിടികൂടിയത്. ഏഷ്യൻ പൗരത്വമുള്ള മൂന്ന് പ്രവാസികളെയാണ് വടക്കൻ ബാത്തിനാ ഗവർണറേറ്റ് പോലീസ് കമാൻഡ് അറസ്റ്റ് ചെയ്തത്. പിടികൂടിയവരിൽ നിന്നും അമ്പത് കിലോയിലധികം ക്രിസ്റ്റൽ മെത്ത് ബോട്ടിൽ പിടികൂടിയതായി പോലീസ് അറിയിച്ചു.
അതേസമയം, കുവൈറ്റിൽ ലഹരിമരുന്ന് കേസുമായി ബന്ധപ്പെട്ട് 16 പേരാണ് അറസ്റ്റിലായത്. 12 വ്യത്യസ്ത കേസുകളിലാണ് ഇവർ പിടിയിലായത്. ഇതുവരെ 11,250 കിലോഗ്രാം ലഹരിമരുന്നും പോലീസ് പിടിച്ചെടുത്തിട്ടുണ്ട്. പിടികൂടിയ പ്രതികളെയും പിടിച്ചെടുത്ത ലഹരിമരുന്ന് ഉൾപ്പെടെയുള്ള വസ്തുക്കളും തുടർ നിയമനടപടികൾക്കായി ബന്ധപ്പെട്ട വകുപ്പുകൾക്ക് കൈമാറിയിട്ടുണ്ടെന്ന് പോലീസ് അറിയിച്ചു.
