നടൻ ഷൈൻ ടോം ചാക്കോ പ്രണയത്തിലാണെന്ന തരത്തിൽ നിരവധി വാർത്തകൾ അടുത്തിടെ പ്രചരിച്ചിരുന്നു. നടൻ തന്റെ സോഷ്യൽമീഡിയയിൽ പങ്കുവച്ച ചിത്രമായിരുന്നു ഇതിനുള്ള കാരണം. ഒരു പെൺകുട്ടിയോടൊപ്പം നിൽക്കുന്ന ചിത്രമായിരുന്നു നടൻ പങ്കുവെച്ചത്. ഇതിന് പിന്നാലെയാണ് ഷൈൻ പ്രണയത്തിലാണെന്ന തരത്തിൽ വാർത്തകൾ പ്രചരിച്ചത്. ഇപ്പോഴിതാ തന്റെ പുതിയ ചിത്രമായ ഡാൻസ് പാർട്ടി’ എന്ന സിനിമയുടെ ഓഡിയോ ലോഞ്ചിലും താരത്തിനൊപ്പം എത്തിയിരിക്കുകയാണ് ഈ പെൺകുട്ടി.
വേദിയിൽ ഇരിക്കുന്ന ഇരുവരുടെയും വീഡിയോയും ചിത്രങ്ങളും സമൂഹമാദ്ധ്യമങ്ങളിൽ ഇതിനോടകം വൈറലായി കഴിഞ്ഞു. മഞ്ഞ നിറത്തിലുള്ള വസ്ത്രം ധരിച്ച് ട്വിന്നിംഗ് ഡ്രെസ് കോഡിലാണ് ഇരുവരും എത്തിയത്. പരിപാടിയിൽ യുവതിയുടെ കെെ പിടിച്ച് വന്ന ഷെെനിനോട് ആരാധകർ ഇത് ആരാണെന്ന് ചോദിക്കുന്നുണ്ട്. എന്നാൽ കൃത്യമായ ഒരു മറുപടി താരം നൽകുന്നില്ല. തനു’ എന്നാണ് കുട്ടിയുടെ പേരെന്ന് മാത്രം ഷൈന്‍ പറയുകയുണ്ടായി. തനൂജ എന്നാണ് ഈ പെണ്‍കുട്ടിയുടെ പേര്.
ഒരുമിച്ചിരുന്ന ഇരുവരെയും സംവിധായകൻ സോഹൻ സീനുലാലാണ് വേദിയിലേക്ക് ക്ഷണിച്ചത്. ‘വെെഫ് ആവാൻ പോകുന്ന ഒരാൾ കൂടിയുണ്ട്’ എന്ന് പറഞ്ഞാണ് ഷെെനിന്റെ സുഹൃത്തിനെ വേദിയിലേയ്‌ക്ക് വിളിച്ചത്. തുടർന്ന് രണ്ടു പേരും ഒരുമിച്ച് വേദിയിൽ എത്തുന്നുണ്ട്. ഇരുവരുടെയും ഭാഗത്ത് നിന്നുള്ള ഔദ്യോഗിക പ്രഖ്യാപനത്തിന് വേണ്ടിയാണ് ആരാധകർ ഇപ്പോൾ കാത്തിരിക്കുന്നത്.
