ഇനി എന്തിന് ഫൈനല്‍..! കപ്പ് അവര്‍ക്ക് നല്‍കിയേക്ക്: പ്രശംസയുമായി ഓസ്‌ട്രേലിയന്‍ ഇതിഹാസം

ലോകകപ്പില്‍ സമ്പൂര്‍ണ ആതിപഥ്യം പുലര്‍ത്തി മുന്നേറുകയാണ് രോഹിത് ശര്‍മ്മ നയിക്കുന്ന ടീം ഇന്ത്യ. അല്‍പ്പമെങ്കിലും ഇന്ത്യക്ക് വെല്ലുവിളിയുര്‍ത്തിയത് ന്യൂസിലന്‍ഡ് ആയിരുന്നു. കഴിഞ്ഞ ദിവസം ദക്ഷിണാഫ്രിക്കയെ 243 റണ്‍സിന് തകര്‍ത്ത് ലോകകപ്പിലെ കൂറ്റന്‍ ജയവും ഇന്ത്യ സ്വന്തമാക്കിയിരുന്നു.

ഇതിന് പിന്നാലെയാണ് ഇന്ത്യയെ പ്രശംസിച്ച് ഓസ്‌ട്രേലിയയുടെ സ്പിന്‍ ഇതിഹാസം ബ്രാഡ് ഹോഗ് രംഗത്തെത്തിയത്. ‘ഇന്നലെരാത്രിക്ക് ശേഷം ഫൈനല്‍ ആവശ്യമില്ലെന്ന് തോന്നുന്നു, ടൂര്‍ണമെന്റ് അവസാനിപ്പിക്കാന്‍ ഇന്ത്യയുടെ അവശേഷിക്കുന്ന മത്സരങ്ങള്‍ നടത്തിയാല്‍ മതി. ഇന്ത്യ അത്യുജ്ജലമായിരുന്നു’- ഹോഗ് പറഞ്ഞു.

എക്‌സിലൂടെയായിരുന്നു താരത്തിന്റെ പ്രതികരണം. കുറിപ്പ് ആരാധകര്‍ ഏറ്റെടുത്തതോടെ വൈറലായി.

After last night it looks like no need for a final, have India v rest of the world match to finish off the tournament. They have been scintillating. #CWC23 #INDvSA

— Brad Hogg (@Brad_Hogg) November 6, 2023

“>