പുത്തൻ അപ്‌ഡേറ്റുമായി സലാർ; ഡിസംബർ ഒന്നിന് ട്രെയിലർ പുറത്തിറങ്ങും

പ്രഭാസിന്റെ ഏറ്റവും പുതിയ ചിത്രം സലാറിന്റെ പുത്തൻ അപ്‌ഡേറ്റുകൾ പങ്കുവെച്ചിരിക്കുകയാണ് അണിയറപ്രവർത്തകർ. ചിത്രത്തിന്റെ ട്രെയിലർ ഡിസംബർ ഒന്നിന് പുറത്തിറങ്ങും കൂടാതെ ചിത്രം ഐമാക്‌സിലും പ്രദർശനത്തിനെത്തുമെന്നാണ് പുത്തൻ അപ്‌ഡേറ്റിലൂടെ അറിയിച്ചിരിക്കുന്നത്.

ആരാധകർ ആകാംക്ഷയോടെ കാത്തിരിക്കുന്ന ചിത്രമാണ് പ്രഭാസ്-പ്രശാന്ത് നീൽ കൂട്ടുക്കെട്ടിൽ വരുന്ന സലാർ. പൃഥ്വിരാജ് പ്രൊഡക്ഷൻസ് ആണ് ചിത്രം കേരളത്തിൽ പ്രദർശനത്തിനെത്തിക്കുന്നത്. ചിത്രത്തിൽ വരദരാജ മന്നാർ എന്ന കഥാപാത്രമായി പൃഥ്വിരാജും എത്തുന്നുണ്ട്.

സലാറിന്റെ ഒടിടി റൈറ്റ്സ് നെറ്റ്ഫ്ളിക്സാണ് ഏറ്റെടുത്തിരിക്കുന്നത്. 160 കോടിക്കാണ് റൈറ്റ്‌സ് വിറ്റത്. ശ്രുതി ഹാസനാണ് ചിത്രത്തിലെ നായിക. ജഗപതി ബാബു, ഈശ്വരി റാവു എന്നിവരാണ് മറ്റ് താരങ്ങൾ. ഭുവൻ ഗൗഡ ഛായാഗ്രഹണവും രവി ബസ്രുർ സംഗീത സംവിധാനവും നിർവഹിക്കും.

𝐆𝐞𝐚𝐫 𝐮𝐩 𝐟𝐨𝐫 𝐚𝐧 𝐞𝐱𝐩𝐥𝐨𝐬𝐢𝐯𝐞 𝐜𝐞𝐥𝐞𝐛𝐫𝐚𝐭𝐢𝐨𝐧𝐬 💥#SalaarCeaseFire Trailer is set to detonate on Dec 1st at 7:19 PM 🔥

Happy Deepavali Everyone 🪔 #Salaar #Prabhas #PrashanthNeel @PrithviOfficial @shrutihaasan @hombalefilms @VKiragandur @IamJagguBhai… pic.twitter.com/rf0wwNvWX5

— Hombale Films (@hombalefilms) November 12, 2023

“>