തിന്മയുടെ മേൽ നന്മ വിജയിച്ച ദിനമാണ് ദീപാവലി. രാത്രിയില്ലാതെ, രാവിന്റെ ഇരുട്ടിനെ പ്രകാശ പൂരിതമാക്കാൻ ലോകത്തകാമാനമുള്ള ഭാരതീയർ ചെരാതുകളിൽ ദീപം തെളിക്കുന്നു. ഈ അവസരത്തിൽ ദീപാവലി ആശംസ നൽകുകയാണ് അമേരിക്കൻ ബഹിരാകാശ ഏജൻസി. ആശംസയ്ക്ക് ഒപ്പം നാസയുടെ വക സമ്മാനവുമുണ്ട്. ആകാശത്ത് തെളിഞ്ഞ നൂറുക്കണക്കിന് ദീപങ്ങളുടെ ചിത്രമാണ് നാസ പങ്കുവെച്ചത്.
Happy #Diwali to all those who celebrate ✨@NASAHubble captured a celestial festival of lights – a globular cluster – 30,000 light-years away from Earth, near the dense and dusty center of our own Milky Way galaxy. pic.twitter.com/JJJNAGFOnc
— NASA (@NASA) November 12, 2023
നാസയുടെ ഹബിൾ ദൂരദർശിനി പകത്തിയ ഗ്ലേബുലാർ ക്ലസ്റ്ററിന്റെ ചിത്രമാണ് നാസ സമൂഹമാദ്ധ്യമങ്ങളിൽ പങ്കുവെച്ചത്. “വിളക്കുകളുടെ ആകാശ ഉത്സവം” എന്നാണ് നാസ ഇതിനെ വിശേഷിപ്പിച്ചത്. ഭൂമിയിൽ നിന്ന് 30,000 പ്രകാശവർഷം അകലെയുള്ള ഗാലക്സിയുടെ മധ്യഭാഗത്താണ് ഗോളാകൃതിയിലുള്ള ഗ്ലോബുലാർ ക്ലസ്റ്റർ സ്ഥിതി ചെയ്യുന്നത്. ലക്ഷക്കണക്കിന് നക്ഷത്രങ്ങളാണ് ഈ ക്ഷീരപഥത്തിൽ ഉൾപ്പെട്ടിരിക്കുന്നത്. ഹബിളിന്റെ വൈഡ് ഫീൽഡ് ക്യാമറ 3 (WFC3) ആണ് ചിത്രത്തെ കൃത്യതയോടെ ഒപ്പിയെടുത്തത്.
