ഇന്ത്യയുടെ ലോകകപ്പിലെ റെക്കോര്ഡ് വിജയക്കുതിപ്പില് പ്രതികരണവുമായി പരിശീലകന് രാഹുല് ദ്രാവിഡ്. ഇന്നലത്തെ നെതര്ലന്ഡ് മത്സരത്തിന് ശേഷമാണ് പരിശീലകന് പ്രതികരണവുമായി രംഗത്തെത്തിയത്. ഒരു മത്സരത്തില് തോല്വിയുണ്ടായാല് ഈ പുകഴ്ത്തുവര് തന്നെ ഇകഴ്ത്തുമെന്നാണ് മുന് താരം പറഞ്ഞത്.
‘പ്രശംസ എല്ലാം വിജയം തുടരുന്നത് വരെയേ ഉള്ളൂ. ഒരു മത്സരം പരാജയപ്പെട്ടാല് എല്ലാം മാറും. പിന്നീട് വിമര്ശകരുടെ കണ്ണില് താന് ഒന്നും അറിയാത്തവനായിരിക്കും- ദ്രാവിഡ് പറഞ്ഞു.
ടീം കൃത്യമായ പ്ലാസും തയ്യാറെടുപ്പുകളുമായാണ് ഓരോ മത്സരവും കളിക്കുന്നത്. എപ്പോഴും അടുത്ത മത്സരത്തില് മാത്രമാകും ശ്രദ്ധ. ഇവിടെ സെമിയെന്ന സമ്മര്ദ്ദമില്ല. സെമി ഫൈനലിനെ ഒരു പ്രത്യേക മത്സരമായി പരിഗണിച്ച് പ്രത്യേകിച്ച് ഒന്നും ചെയ്യാതിരിക്കാന് ആകും ഞങ്ങള് ശ്രമിക്കുക’-ദ്രാവിഡ് പറഞ്ഞു.
ഇന്ത്യയുടെ മദ്ധ്യനിരയുടെ പ്രകടനത്തെ ദ്രാവിഡ് പ്രത്യേകം പ്രശംസിച്ചു. അവര് എപ്പോഴും സമ്മര്ദ്ദത്തില് ബാറ്റ് ചെയ്യുന്നവരാണെന്നും അവരുടെ പ്രകടനം ടീമിന് എപ്പോഴും നിര്ണായകമാണെന്നും ദ്രാവിഡ് പറഞ്ഞു. ശ്രേയസാണ് മദ്ധനിരയുടെ നട്ടെല്ല്. നമുക്കെല്ലാവര്ക്കും അറിയാം നാലാം നമ്പരില് നല്ല പ്രകടനം പുറത്തെടുക്കുന്നത് എത്രത്തോളം ബുദ്ധിമുട്ടാണെന്ന്. അവസാന പത്തുവര്ഷത്തില് ഏറ്റവും മികച്ച നാലാം നമ്പര് താരമാണ് അദ്ദേഹം.-ദ്രാവിഡ് പറഞ്ഞു.