ഭാരതത്തിലെ വിവിധ ഭക്ഷണങ്ങൾക്ക് ലോകമെമ്പാടുമുള്ള സ്വീകാര്യത നാം പല വിദേശീയരിൽ നിന്നും കേട്ടറിഞ്ഞിട്ടുണ്ടാകും. നാനാ-ജാതി, നാനാ-ഭാഷകളുള്ള നമ്മുടെ രാജ്യത്ത് ഭക്ഷണങ്ങളിലെ വൈവിധ്യവും പ്രസിദ്ധമാണ്. ഈ രുചി വൈവിധ്യമാണ് ഇപ്പോൾ മുൻ ദക്ഷിണാഫ്രിക്കൻ ക്രിക്കറ്റ് താരം ജോൺടി റോഡ്‌സും സമൂഹമാദ്ധ്യമത്തിലൂടെ പങ്കുവച്ചിരിക്കുന്നത്. ബെംഗളൂരു നഗരത്തിലെ ട്രാഫിക്കിൽ പെട്ടു പോയപ്പോൾ ടാക്‌സി ഡ്രൈവറുമൊത്ത് ചായ കുടിക്കാൻ കയറിയ അനുഭവമാണ് അദ്ദേഹം ആരാധകർക്കായി പങ്കുവച്ചിരിക്കുന്നത്.
” ബെംഗളൂരു എയർപോർട്ടിലേക്കു പോകുന്ന വഴി വലിയ ട്രാഫിക്കിൽപ്പെട്ടു പോയപ്പോൾ ടാക്‌സി ഡ്രൈവർ റോഡരികിലെ ഒരു കടയിൽ നിന്നും ചായ കുടിക്കാമെന്ന് പറഞ്ഞു. അപ്പോഴേയ്‌ക്കും ട്രാഫിക് മാറുമെന്നാണ് അദ്ദേഹത്തിന്റെ അഭിപ്രായം. ഞാൻ ആ ഉപദേശം സ്വീകരിച്ചു. ഒരു മസാല ചായ, ഒരു മൈസൂർ മസാലദോശ, മാംഗളൂർ ബൺ. ആഹാ, ഗംഭീരം! ലവ് ഇന്ത്യ’‘. – റോഡ്‌സ് കുറിച്ചു.
When taxi driver at Bengaluru airport suggested to stop at his favourite restaurant for a roadside bite, because according to him: “traffic will be standing!” Grateful I took his advice. Excellent #mangalorebun and #Mysoremasaldosa, finished off with #masalachai #loveIndia pic.twitter.com/tH3KjykLUI
— Jonty Rhodes (@JontyRhodes8) November 21, 2023
“>
ഇന്ത്യയിലെ ഭക്ഷണങ്ങൾ ഒരുപാട് ഇഷ്ടപ്പെട്ടെന്നും അദ്ദേഹം പറഞ്ഞിരുന്നു. ഡ്രൈവറുമൊത്ത് ഭക്ഷണം കഴിക്കുന്നതിന്റെ ചിത്രങ്ങൾ അടക്കമാണ് റോഡ്‌സ് സമൂഹമാദ്ധ്യമത്തിൽ പങ്കുവച്ചത്. ചിത്രങ്ങൾ വൈറലായതോടെ നിരവധി ആരാധകരാണ് കമന്റുകളുമായി രംഗത്തെത്തിയത്. ചിലർ അവരുടെ സ്ഥലങ്ങളിലെ ഭക്ഷണങ്ങൾ രുചിച്ചു നോക്കാനും നല്ല ആഹാരങ്ങൾ നൽകുന്ന മറ്റു ഹോട്ടലുകൾ ഏതൊക്കെയെന്ന് നിർദ്ദേശിക്കുകയും ചെയ്തു.
