തൃശൂർ : ഗുരുവായൂരില് കൈക്കുഞ്ഞിനെയും കൊണ്ട് മുല്ലപ്പൂ വില്ക്കുന്ന ധന്യയുടെ ദുരിതജീവിതം അടുത്തിടെയാണ് പുറത്തറിഞ്ഞത് . ഇതിന് പിന്നാലെ നടനും മുൻ എം പിയുമായിരുന്ന സുരേഷ് ഗോപി തന്റെ മകളുടെ കല്ല്യാണത്തിന് ആവശ്യമായ മുല്ലപ്പൂവിന് ധന്യയ്ക്ക് ഓര്ഡര് നല്കിയിരുന്നു.
ഇപ്പോഴിതാ സുരേഷ് ഗോപിയെ അടുത്ത തവണ നേരില് കാണുമ്പോള് ഒരു ആഗ്രഹം കൂടി സഫലമാക്കാനുണ്ടെന്ന ധന്യയുടെ വാക്കുകളാണ് ശ്രദ്ധ നേടുന്നത് . ഒരു വട്ടം അദ്ദേഹത്തെ കെട്ടിപ്പിടിച്ച് അച്ഛാ എന്ന് വിളിക്കണമെന്നതാണ് ധന്യയുടെ ആഗ്രഹം .
താന് അച്ഛനെ കണ്ടിട്ട് രണ്ടര വര്ഷമായി. വിവാഹ ശേഷം ഇടയ്ക്കിടെ പിതാവിനെ കാണാറുണ്ടെങ്കിലും അടുത്ത് പോകുമ്പോള് അച്ഛന് തന്നോട് ഒന്നും മിണ്ടാറില്ലെന്നും ധന്യ പറയുന്നു. അദ്ദേഹത്തെ കാണുമ്പോള് ഒന്ന് കെട്ടിപ്പിടിച്ച് അച്ഛാ എന്ന് വിളിച്ചോട്ടെ എന്ന് ചേട്ടനോട് ചോദിച്ചു. ആയിക്കോട്ടെ എന്ന് ചേട്ടന് പറഞ്ഞതായും ധന്യ കൂട്ടിച്ചേര്ത്തു.
എന്നാല് സുരേഷ് ഗോപിയെ കണ്ടപ്പോൾ തനിക്ക് അത് സാധിച്ചില്ല. ആ മുല്ലപ്പൂവ് ഏല്പ്പിക്കുമ്പോള് തനിക്കൊന്ന് കെട്ടിപ്പിടിക്കണം. അച്ഛാ എന്ന് ഒരു വട്ടം വിളിക്കണം. തന്റെ വലിയ ആഗ്രഹമാണിതെന്നും ധന്യ പറഞ്ഞു.