ഇന്ത്യയുടെ ഏറ്റവും മികച്ച ബാറ്ററാണ് രോഹിത് ശർമ്മയെന്ന് പാകിസ്താൻ മുൻ താരം ജുനൈദ് ഖാൻ. വിരാട് കോലിയും സച്ചിൻ തെണ്ടുൽക്കറിനും ഇടയിലുള്ള താരത്തെ തിരഞ്ഞെടുക്കാൻ പറഞ്ഞപ്പോഴാണ് ഇന്ത്യൻ നായകന്റെ പേര് ജുനൈദ് ഖാൻ പറഞ്ഞത്. ഹിറ്റ്മാനെന്ന് രോഹിത്തിനെ വിളിക്കുന്നതിന് പിന്നിലെ കാരണവും അദ്ദേഹത്തിന്റെ പ്രകടനത്തിൽ നിന്ന് മനസിലാകുമെന്ന് മുൻ പാക് താരം പറഞ്ഞു.
എന്റെ അഭിപ്രായത്തിൽ ഇന്ത്യയിലെ ഏറ്റവും മികച്ച ബാറ്റർ രോഹിത് ശർമ്മയാണ്. രോഹിത്തിന്റെ ബാറ്റിംഗ് ശൈലി മറ്റുള്ളവരിൽ നിന്ന് വ്യത്യസ്തമാണ്. അവന് എല്ലാതരത്തിലുമുള്ള ഷോട്ടുകൾ കളിക്കാൻ സാധിക്കും. അതുകൊണ്ടാണ് രോഹിത്തിനെ ഹിറ്റ്മാനെന്ന് വിളിക്കുന്നത്. ഒരു ഏകദിന മത്സരത്തിൽ ഇരട്ട സെഞ്ച്വറികളോടെ 264 റൺസ് നേടുക എന്നത് വളരെ മികച്ച കാര്യമാണ്. ഇന്ത്യക്ക് വേണ്ടി ഏറ്റവും കൂടുതൽ സിക്സറുകൾ നേടിയ താരം കൂടിയാണ് രോഹിത്. അതുകൊണ്ട് എന്റെ കാഴ്ചപ്പാടിൽ ഏറ്റവും മികച്ച ബാറ്ററും രോഹിത്താണ്.- ജുനൈദ് ഖാൻ പറഞ്ഞു.
