മുംബൈ: മുംബൈ മലയാളികൾക്ക് സംഗീത വിരുന്നൊരുക്കി ജനം ടിവി അവതരിപ്പിക്കുന്ന മ്യൂസിക് ഇന്ത്യ-മുംബൈ എഡിഷൻ ഇന്ന് നവി മുംബൈയിൽ. വാഷി സിഡ്കോ കൺവെൻഷൻ സെന്ററിൽ വൈകുന്നേരം ആറ് മണിക്കാണ് പരിപാടി. വയലിൻ ഫ്യൂഷൻ സംഗീതമൊരുക്കി രൂപ രേവതി ബാൻഡ് അവതരിപ്പിക്കുന്ന സംഗീത രാവാണ് പരിപാടിയുടെ മുഖ്യാകർഷണം.
ജനം ടിവി എംഡി ചെങ്കൽ എസ്. രാജശേഖരൻ നായർ മ്യൂസിക് ഇന്ത്യ – മുംബൈ എഡിഷന് തിരികൊളുത്തും. മുംബൈയിലെ മലയാളികളായ പ്രമുഖരും ചടങ്ങിൽ പങ്കെടുക്കും.
പ്രശസ്ത ബ്രാൻഡുകളായ മൈ ജി ഫ്യൂച്ചർ, അമൃത വേണി, യൂണി മണി, ജോയ് ആലുക്കാസ്, ഫാം ഫെഡ്, ആർഎൻഎ ബിൽഡേഴ്സ്, എൻജി സവേദ ഫാം & കോട്ടേജസ്, കർജത്ത് മകര ജ്യോതി കുറിസ് പ്രൈവറ്റ് ലിമിറ്റഡ് പൂനെ എന്നിവരാണ് മ്യൂസിക് ഇന്ത്യ 2023 മുംബെ എഡിഷൻ സ്പോൺസർ ചെയ്തിരിക്കുന്നത്.
മ്യൂസിക് ഇന്ത്യ 2023ന്റെ മൂന്നാം വേദിയാണ് മുംബൈയിലേത്. തിരുവനന്തപുരം, കോഴിക്കോട് എന്നീ നഗരങ്ങളിൽ നടന്ന സംഗീത നിശകൾ ജനപങ്കാളിത്തം കൊണ്ട് ശ്രദ്ധ നേടിയിരുന്നു. ഡിസംബർ 23 ന് തൃശൂരും ജനുവരി 28 ന് അഹമ്മദാബാദിലുമായാണ് അടുത്ത വേദികൾ.