കാലത്തെ ഒന്നുഷറാകാൻ ചായ കുടിക്കുന്നവരാണ് എല്ലാവരും. എന്നാൽ കറ പിടിച്ച കപ്പും ഗ്ലാസും കാണുന്നതോടെ തന്നെ ഉള്ള ആത്മവിശ്വാസം തന്നെ പോകുമല്ലേ. എത്ര ശ്രമിച്ചാലും ചായ തയ്യാറാക്കുന്ന പാത്രത്തിലും ചായ എടുക്കുന്ന ഗ്ലാസിലും കപ്പിലുമൊക്കെ കറ പിടിച്ചിരിക്കാറുണ്ട്. ഇതങ്ങനെ കളയണമെന്ന് ആലോചിച്ച് തല പുകയുന്നവരാകും മിക്കവരും. പരിഹാരം കണ്ടെത്താൻ കഴിയാതെ പാത്രങ്ങൾ ഉപേക്ഷിക്കാൻ വരും മുൻപ് ഈ വഴികൾ പരീക്ഷിക്കാം..
- ഉപ്പും സോപ്പ് ചേർത്ത് ഒരു ബ്രഷ് ഉപയോഗിച്ച് പാത്രത്തിൽ കറയുള്ള ഭാഗത്ത് പുരട്ടി സ്ക്രബർ ഉപയോഗിച്ച് തേച്ച് 15 മിനിറ്റിന് ശേഷം കഴുകിയെടുക്കാവുന്നതാണ്.
- കറ പിടിച്ച പാത്രം സോപ്പ് വെള്ളത്തിലിട്ട് വെക്കുക. ഒരു മണിക്കൂറിന് ശേഷം പാത്രമെടുത്ത് നാരങ്ങനീര്, ഉപ്പ്, ഡിഷ് വാഷ് ലിക്വിഡ് എന്നിവ ചേർത്ത് മിക്സ് ചെയ്യുക. ഈ മിശ്രിതത്തിൽ സ്ക്രബർ ഉപയോഗിച്ച് സ്ക്രബ് ചെയ്യുക. 20 മിനിറ്റ് വെച്ചതിന് ശേഷം പാത്രം കഴുകി എടുക്കാവുന്നതാണ്. മാസത്തിലൊരിക്കൽ ഇങ്ങനെ ചെയ്താൽ മതിയാകും.
- വിനാഗിരിയും ഉപ്പും തുല്യ അളവിലെടുത്ത് അതിലേക്ക് ഗ്ലാസും പാത്രമൊക്കെ മുക്കി വെക്കണം. 30 മിനിറ്റിന് ശേഷം ഈ പാത്രം സോപ്പിട്ട് കഴുകിയെടുക്കാവുന്നതാണ്.
- ബേക്കിംഗ് സോഡയും കറ കളയാൻ ബെസ്റ്റ് ഓപ്ഷനാണ്. വെള്ളത്തിനൊപ്പം ചേർത്ത് കറ പുരണ്ട പാത്രത്തിൽ തേച്ച് പിടിപ്പിക്കുക. പത്ത് മിനിറ്റിന് ശേഷം തുണി ഉപയോഗിച്ച് തുടച്ചെടുക്കാവുന്നതാണ്.
