2023– ലെ ഏകദിന ലോകകപ്പിന് ശേഷം നടന്ന ഇന്ത്യ- ഓസ്ട്രേലിയ ടി20 പരമ്പരയിൽ സൂര്യകുമാറും സംഘവും വിജയം കയ്പടിയിലൊതുക്കിയിരുന്നു. 5 മത്സരങ്ങളടങ്ങിയ ടി20 പരമ്പര 4-1 എന്ന നിലയിലാണ് ഇന്ത്യ സ്വന്തമാക്കിയത്. എന്നാൽ സമൂഹമാദ്ധ്യമങ്ങളിൽ വൈറലാകുന്നത് ഇന്ത്യയുടെ യുവതാരം തിലക് വർമ്മയുടെ ഇൻസ്റ്റഗ്രാം പോസ്റ്റാണ്. ഓസീസ് ഓൾറൗണ്ടർ ടിം ഡേവിഡിനൊപ്പമുള്ള ചിത്രമാണ് തിലക് പങ്കുവെച്ചിരിക്കുന്നത്.
ഇന്ത്യൻ സൂപ്പർ ലീഗിൽ മുംബൈ ഇന്ത്യൻസിന്റെ താരങ്ങളാണ് തിലക് വർമ്മയും ടിം ഡേവിഡും. ടി20 പരമ്പരയ്ക്ക് ശേഷം ഇരുവരും ടി20 പരമ്പരയ്ക്ക് ശേഷം ഇരുവരും തങ്ങളുടെ രാജ്യങ്ങൃളുടെ ടീമിന്റെ ജഴ്സി പരസ്പരം കൈമാറി. പരസ്പരം കൈമാറ്റം ചെയ്ത ജേഴ്സികൾ പിടിച്ച് നിൽക്കുന്ന ചിത്രമാണ് തിലക് സമൂഹമാദ്ധ്യമത്തിൽ പോസ്റ്റ് ചെയ്തത്. സ്നേഹത്തോടെപ്പം ജഴ്സിയും കൈമാറുന്നു എന്ന അടിക്കുറിപ്പോടെയാണ് ചിത്രം പങ്കുവച്ചത്.
ഓസ്ട്രേലിയക്കെതിരെ കളിച്ച ആദ്യ മൂന്ന് ടി20കളിൽ തിലക് വർമ്മയ്ക്ക് മികച്ച പ്രകടനം പുറത്തെടുക്കാനായില്ല. നാലാമത്തെയും അഞ്ചാമത്തെയും മത്സരത്തിനായുള്ള പ്ലേയിംഗ് ഇലവനിൽ തിലക് ഉണ്ടായിരുന്നില്ല. ഡിസംബർ 10 ന് ആരംഭിക്കുന്ന ദക്ഷിണാഫ്രിക്കൻ പര്യടനത്തിന്റെ ഭാഗമായുള്ള 3 ഏകദിന മത്സരങ്ങളുടെ ഭാഗമാണ് താരം.
