മിഷോങ് ചുഴലിക്കാറ്റ് ചെന്നൈയിലും മറ്റു ജില്ലകളിലും വരുത്തിയ ദുരിതങ്ങൾ കുറച്ചൊന്നുമല്ല. നിലവിൽ ഈ ദുരിതത്തിൽ നിന്ന് ചെന്നൈ മോചനം നേടി വരികയാണ്. ഈ സാഹചര്യത്തിൽ നാടിന്റെ ദുരിതാശ്വാസ പ്രവർത്തനങ്ങൾക്കായി ധനസഹായം പ്രഖ്യാപിച്ച് രംഗത്തെത്തിയിരിക്കുകയാണ് തമിഴ് സിനിമയിലെ യുവതാരം ഹരീഷ് കല്യാൺ. ഒരു ലക്ഷം രൂപയാണ് താരം ധനസഹായമായി പ്രഖ്യാപിച്ചിരിക്കുന്നത്. സമൂഹമാദ്ധ്യമമായ എക്സിലൂടെയാണ് താരം ഇക്കാര്യം അറിയിച്ചത്.
്അതേസമയം മിഷോങ് ദുരിതാശ്വാസ പ്രവർത്തനങ്ങൾക്ക് തുടക്കമെന്ന നിലയിൽ 10 ലക്ഷം രൂപ നടൻമാരായ കാർത്തിയും സൂര്യയും പ്രഖ്യാപിച്ചിരുന്നു. തങ്ങളുടെ ആരാധക സംഘടന വഴിയാണ് താരങ്ങൾ പണമെത്തിച്ചത്. ചെന്നൈ, കാഞ്ചീപുരം, ചെങ്കൽപട്ട്, തിരുവള്ളൂർ എന്നീ പ്രളയബാധിത ജില്ലകളിലെ ദുരിതാശ്വാസ പ്രവർത്തനങ്ങൾക്കായാണ് പണം വിനിയോഗിക്കുക.
My humble contribution.
கை கோர்ப்போம் #Chennai 💪#ChennaiFloodRelief #chennaifloods @CMOTamilnadu pic.twitter.com/CiqBV4SCsm— Harish Kalyan (@iamharishkalyan) December 6, 2023
