വീട്ടുകാർ തന്നെ ക്രൂരമായി മർദ്ദിക്കുന്നെന്നും, ആരെങ്കിലും തന്നെ രക്ഷിക്കണമെന്നും അപേക്ഷിച്ചുകൊണ്ട് വീഡിയോ പങ്കുവെച്ചത്. നടി വൈഷ്ണവി ധൻരാജ്. നിരവധി ഹിന്ദി പരമ്പരകളിലൂടെ ശ്രദ്ധേയായ നടിയാണ് വൈഷ്ണവി. എക്സിലൂടെയാണ് താരം വീഡിയോ പങ്കുവെച്ചത്. മുഖത്ത് മുറിവുകളുടെ പാടുകളോടെയായിരുന്നു നടി വീഡിയോയിൽ പ്രത്യക്ഷപ്പെട്ടത്.
തന്നെ എങ്ങനെയെങ്കിലും രക്ഷിക്കണമെന്നും നടി പറയുന്നു. ഒപ്പം മുഖത്തേറ്റ പാടുകളും കാണിക്കുന്നുണ്ട്. താരത്തിന്റെ വാക്കുകൾ ഇങ്ങനെ, ‘ഹായ് ഞാനിപ്പോൾ കാഷിമിറ പോലീസ് സ്റ്റേഷനിലാണ്. എന്റെ വീട്ടുകാർ എന്നെ ക്രൂരമായി മർദ്ദിച്ചു. എന്റെ സുഹൃത്തുക്കളും സഹപ്രവർത്തകരും മുന്നോട്ട് വന്ന് തന്നെ രക്ഷിക്കണം എന്നായിരുന്നു വൈഷ്ണവിയുടെ വാക്കുകൾ.’
സിഐഡി എന്ന ഹിന്ദി പരമ്പരയിലൂടെയാണ് താരം ശ്രദ്ധേയയായത്. 2016 ൽ നടൻ നിതിൻ ഷരാവത്തിനെ നടി വിവാഹം കഴിച്ചിരുന്നു. എന്നാൽ ദാമ്പത്യ ജീവിതം തകരുകയായിരുന്നു. നിതിനും വീട്ടുകാരും വൈഷ്ണവിയെ ഗാർഹിക പീഡനത്തിനിരയാക്കിയിരുന്നു. തുടർന്ന് ഇരുവരും വേർപിരിയുകയായിരുന്നു. വൈഷ്ണവി തന്നെയാണ് ഇക്കാര്യം ഒരു അഭിമുഖത്തിൽ പങ്കുവെച്ചത്. എന്നാൽ ഇപ്പോൾ എന്താണ് നടിയ്ക്ക് സംഭവിച്ചത് എന്ന കാര്യത്തിൽ വ്യക്തതയില്ല.
