മൈ​ഗ്രേൻ എന്ന ശത്രു വരിഞ്ഞു മുറുക്കിയോ? ഭയപ്പെടേണ്ട, ഈ ആഹാരങ്ങളെ പടിക്ക് പുറത്താക്കിയാൽ കാര്യം സിംപിൾ

ജീവിതത്തിൽ ഒരിക്കലെങ്കിലും തലവേദന അനുഭവിക്കാത്തവരായി ആരുമുണ്ടാകില്ല. ചിലനേരത്ത് ജോലി ചെയ്യാൻ പോലും കഴിയാത്ത വിധം തലവേദന നമ്മെ തളർത്തിയെന്ന് വരും. ഇത്തരത്തിൽ നമ്മെ അലട്ടുന്ന ഒതു തരം തലവേദനയാണ് മൈ​ഗ്രേൻ.

മൈ​ഗ്രേൻ എന്നത് വിട്ടുമാറാത്ത ന്യൂറോളജിക്കൽ ഡിസോർഡർ അല്ലെങ്കിൽ ക്രമേക്കേട് എന്ന് വേണമെങ്കിൽ പറയാം. തീവ്രത കുറഞ്ഞത് മുതൽ അതിതീവ്രമായ ആവർത്തന സ്വഭാവമുള്ള ഒരു തരം തലവേദനയായി ഇതിനെ വിശേഷിപ്പിക്കാവുന്നതാണ്. നെറ്റിത്തടത്തിൽ അസഹനീയമായി തുടങ്ങുന്ന വിങ്ങലോട് കൂടിയാണ് മൈ​ഗ്രേൻ ആരംഭിക്കുന്നത്. എന്നാൽ പിന്നീടത് വളരെ നേരത്തേക്ക് നീണ്ടു നിൽക്കുകയും ചെയ്യുന്നു. വേദനയോടൊപ്പം തന്നെ മനംപുരട്ടൽ തുടങ്ങി ഛർദ്ദി വരെ വന്നേക്കാം.

പലവിധ മരുന്നുകൾ മാറി മാറി കഴിച്ചാലും ചിലപ്പോൾ അസഹനീയമായ തലവേദന മാറിയെന്ന് വരില്ല. എന്നാൽ ചില ഭക്ഷണരീതികളിൽ മാറ്റം വരുത്തിയാൽ പ്രശ്നത്തിന് പരിഹാരം കാണാവുന്നതാണ്. ഇനി പറയുന്ന ഭക്ഷണങ്ങൾ കഴിക്കുമ്പോൾ അൽപം ശ്രദ്ധ കേന്ദ്രീകരിച്ചാൽ മൈ​ഗ്രേൻ തലവേദനയിൽ നിന്ന് രക്ഷ തേടാവുന്നതാണ്.

1) കഫീൻ അടങ്ങിയ ആഹാരം ഒഴിവാക്കുക

ചിലർക്ക് കഫീൻ അടങ്ങിയ ആഹാരം കഴിക്കുന്നത് തലവേദന മാറാൻ അനുവദിക്കുന്നു. എന്നാൽ ദിവസവും കഫീൻ അടങ്ങിയ ചായയും കാപ്പിയുമൊക്കെ കുടിക്കുന്നത് തലവേദന കൂടാൻ കാരണമാകും. ചോക്ലേറ്റ് പോലുള്ളവയിൽ കഫീന്റെ അളവിൽ വ്യത്യാസം ഉള്ളതിനാൽ ശ്രദ്ധിക്കേണ്ടതാണ്.

2) പഴങ്ങൾ

ആരോ​ഗ്യത്തിന് ഏറെ ​ഗുണങ്ങൾ നൽകുന്നവയാണ് പഴങ്ങൾ എന്ന് അറിയാമെങ്കിലും സിട്രസ് പഴങ്ങളെ ഒന്ന് സൂക്ഷിക്കേണ്ടതാണ്. ഓറഞ്ച്, മുന്തിരി, നാരങ്ങ പോലുള്ളവ അമിതമായി കഴിക്കരുത്. ഇത് അമിതമാകുന്നത് മൈ​ഗ്രേൻ വർദ്ധിപ്പിക്കാൻ കാരണമാകും.

3) എരിവുള്ള ആഹാരം

എരിവുള്ള ഭക്ഷണങ്ങൾ ശീലമാക്കുന്നത് വഴി സമ്മർദ്ദം സൃഷ്ടിക്കുന്ന ഹോർമോണായ എൻഡോർഫിൻ ഉത്പാദിപ്പിക്കാൻ കാരണമാകുന്നു. ചിലർക്ക് എരിവുള്ള ആഹാരം കഴിക്കുന്നത് മൈ​ഗ്രേൻ വർദ്ധിക്കാൻ കാരണമാകും.

4) മദ്യവും ശീതള പാനിയങ്ങളും

നിർജ്ജലീകരണം സംഭവിച്ചാലും മൈ​ഗ്രേൻ അനുഭവപ്പെടാം. മദ്യം, കാപ്പി, പഞ്ചസാര തുടങ്ങിയവ അടങ്ങിയിട്ടുള്ള ഭക്ഷണം അമിതമാകുന്നത് ശരീരത്തിലെ ജലാംശം നഷ്ടപ്പെടുന്നതിന് കാരണമാകുന്നു. മൈ​ഗ്രേൻ നിയന്ത്രിക്കുന്നതിനായി നന്നായി വെള്ളം കുടിക്കാൻ ശ്ര​ദ്ധിക്കേണ്ടതാണ്.

5) സോഡയും ശീതീകരിച്ച ഭക്ഷണങ്ങളും

ഐസ് ഇട്ട ഭക്ഷണങ്ങളും തണുത്ത പാനീയങ്ങളും വായിലെയും തൊണ്ടയിലെയും താപനിലയിൽ ദ്രുത​ഗതിയിലുള്ള മാറ്റത്തിന് കാരണമാകും. ഇത് ചിലരിൽ മൈ​ഗ്രേന് കാരണമാകുന്നു. ഫ്രിഡ്ജിൽ നിന്നെടുത്ത ആഹാരം ഉടനെ കഴിക്കുകയോ കുടിക്കുകയോ ചെയ്യാതിരിക്കാൻ ശ്ര​ദ്ധിക്കേണ്ടതാണ്.

പാൽ ഉൽപന്നങ്ങൾ, ചുട്ടെടുത്ത ഭക്ഷണങ്ങൾ, പുളിപ്പിച്ച ഭക്ഷണങ്ങൾ, നിലക്കടല, സവാള അല്ലെങ്കിൽ ദഹന സമയം കൂടുതൽ ആവശ്യമായ മാംസം പോലുള്ള ഭക്ഷണങ്ങളും മൈ​ഗ്രേൻ തലവേദനയ്‌ക്ക് കാരണമാകും.