അധോലോക നായകൻ ദാവൂദ് ഇബ്രാഹിമിനോടുള്ള ആരാധന വെളിപ്പെടുത്തുന്ന നടൻ ആസിഫ് അലിയുടെ പഴയ വീഡിയോ വീണ്ടും സമൂഹമാദ്ധ്യമങ്ങളിൽ വൈറലാകുന്നു. ദാവൂദിനെ ഗുരുതരാവസ്ഥയിൽ കറാച്ചിയിലെ ആശുപത്രിയിൽ പവേശിപ്പിച്ചെന്ന വാർത്തകൾ വന്നതിന് പിന്നാലെയാണ് വീഡിയോ ശ്രദ്ധ നേടിയിരിക്കുന്നത്.
താൻ പറയുന്നത് എത്രത്തോളം പ്രശ്നമാകുമെന്നറിയില്ലെന്ന മുഖവുരയോടെയാണ് ആസിഫ് ദാവൂദിനോടുള്ള ആരാധന വെളിപ്പെടുത്തുന്നത്. വീണ മുകുന്ദനുമായുള്ള അഭിമുഖത്തിലാണ് നടൻ അധോലോക നായകനെ പുകഴ്ത്തിയത്.
ദാവൂദ് ഇബ്രാഹിം എന്ന ഡോണിന് ഇവിടെ ലുക്ക് ഔട്ട് നോട്ടീസ് ഇറക്കിയ സമയത്ത് ഷാർജ ക്രിക്കറ്റ് സ്റ്റേഡിയത്തിൽ ഇരുന്ന് ലൈവ് ക്രിക്കറ്റ് കാണുന്ന ഫോട്ടോ ഞങ്ങളുടെ ചെറുപ്പത്തിൽ കണ്ടിരുന്നതായി ആസിഫ് അലി പറയുന്നു. അന്ന് അദ്ദേഹത്തിനോട് ഭയങ്കര ആരാധന തോന്നിയിരുന്നു. പിന്നെ ലാലേട്ടൻ ചെയ്ത ഒരുപാട് ഡോൺ ക്യാരക്ടറിനോടും ഭയങ്കര അട്രാക്ഷൻ തോന്നിയിട്ടുണ്ട്. ഞാൻ ഉൾപ്പടെയുളള പ്രേക്ഷകർക്ക് മാസ് എന്ന് തോന്നുന്ന ചില കാര്യങ്ങളുണ്ട്. നമ്മുടെ ലൈഫിൽ അതുപോലെ ആകണമെന്ന് തോന്നുന്ന കാര്യങ്ങൾ. ടോയ് വാങ്ങിക്കാൻ പോകുമ്പോൾ ഗൺ വാങ്ങുന്നതിന്റെ പിന്നിലുള്ള രഹസ്യം വരെ അതാണെന്ന് ആസിഫ് അലി അഭിമുഖത്തിൽ പറയുന്നു.
