കൊതുകിനെയും കൊതുകു കടിയേയും പേടിച്ച് ഓടിയൊളിക്കുന്നവരാണ് നമ്മളിൽ പലരും. പലർക്കും കൊതുക് കടിയേറ്റാൽ വേദനയും ചൊറിച്ചിലുമൊക്കെ ഉണ്ടാകാറുണ്ട്. എന്നാൽ ഇനി ഈ വേദന മറക്കാം..
എങ്ങനെയാണെന്നാണോ? ജർമൻ കമ്പനിയായ കാമേഡിയുടെ പക്കലുണ്ട് ഇതിനുള്ള ഉത്തരം. കൊതുകും പ്രാണികളും കടിക്കുമ്പോൾ ഉണ്ടാകുന്ന വേദന മാറ്റാനായി ഹീറ്റ് ഇറ്റ് എന്ന ഇലക്ട്രോണിക് ഡിവൈസ് ആണ് കമോഡി പുറത്തിറക്കിയത്. യുഎസ്ബി ടൈപ്പ്-സി ഡോംഗിൾ ആണ് ഹിറ്റ് ഇറ്റ്. കൊതുകോ പ്രാണിയോ മറ്റേ കടിച്ചാൽ വരുന്ന് പ്രശ്നങ്ങൾക്ക് പരിഹാരം കാണാൻ ഈ ഉപകരണത്തിന് കഴിയുമെന്നാണ് കമ്പനി അവകാശപ്പെടുന്നത്.
സ്മാർട്ഫോണിന്റെ ടൈപ്പ്-സി പോർട്ടുമായി കണക്ട് ചെയ്താണ് ഇത് ഉപയോഗിക്കുന്നത്. കണക്ട് ചെയ്യുന്ന സമയത്ത് ചൂട് പുറപ്പെടുവിക്കും. ഇത് കടിയേറ്റ ഭാഗത്ത് വെച്ചാൽ ആശ്വാസം ലഭിക്കുമെന്നാണ് കമ്പനി പറയുന്നത്. കൊതുകുകടിയേറ്റ പ്രദേശത്ത് ഏകദേശം 51 ഡിഗ്രി സെൽഷ്യസ് (123.8 ഡിഗ്രി ഫാരൻഹീറ്റ്) ടാർഗെറ്റ് ചൂടിലൂടെ ആശ്വാസം നൽകുന്നു. ഏത് തരത്തിലുള്ള ചർമം ഉള്ളവർക്കും ഇത് ഉപയോഗിക്കാവുന്നതാണെന്നും സുരക്ഷിതമാണെന്നും കമ്പനി ഉറപ്പ് നൽകുന്നു.
ഈ ആധുനിക ഉപകരണം ഇന്ത്യയിൽ ലഭ്യമാണോ എന്ന് കമ്പനി വ്യക്തമാക്കിയിട്ടില്ല. ആമസോൺ യുഎസിലും യുകെയിലും ഹീറ്റ് ഇറ്റ് യുഎസ്ബി ഡോംഗിൾ ലഭ്യമാണ്. ഈ ഡിവൈസിനെപ്പറ്റിയുള്ള കൂടുതൽ വിവരങ്ങൾ കമ്പനിയുടെ വെബ്സൈറ്റിൽ ലഭ്യമാണ്.
