മലയാളികളെ ആവേശത്തിലാക്കി ബോക്സോഫീസിൽ വൻ കുതിപ്പോടെ നേര്. വർഷങ്ങൾക്ക് ശേഷം മോഹൻലാലിന്റെ തിരിച്ചുവരവ് എന്നാണ് ബോക്സോഫീസിലെ റിപ്പോർട്ടുകൾ സൂചിപ്പിക്കുന്നത്. കേരളത്തിന് പുറത്ത് വൻ കളക്ഷനാണ് നേര് സ്വന്തമാക്കുന്നത്.
രാജ്യത്തിന് പുറത്തും നേരിന് ആരാധകർ വർദ്ധിക്കുന്നു. ആഗോളതലത്തില്‍ ആകെ 20.9 കോടിയാണ് നേര് നേടിയത്. യുഎഇയിൽ ഏഴ് കോടിയാണ് നേര് സ്വന്തമാക്കിയത്. കേരളത്തിൽ നിന്ന് ഇതുവരെ 11.91 കോടി ചിത്രം നേടിയിട്ടുണ്ട്.
കുടുംബ പ്രേക്ഷകരെ ആകർഷിക്കുന്ന ചിത്രമാണ് സ്പെഷ്യൽ പ്രോസിക്യൂട്ടറായി മോഹൻലാൽ എത്തുന്ന നേര്. അഡ്വക്കേറ്റ് വിജയമോഹനായി മിന്നും പ്രകടനമാണ് മോഹൻലാൽ കാഴ്ചവെച്ചിരിക്കുന്നത്. കാലങ്ങൾക്ക് ശേഷം വക്കീൽ കുപ്പായമണിയുന്ന വ്യക്തിയുടെ മാനസികാവസ്ഥയും ചിത്രം ചർച്ച ചെയ്യുന്നുണ്ട്. ചിത്രത്തിൽ ഓരോ കഥാപാത്രങ്ങളും ഒന്നിനൊന്ന് മികവുറ്റതാണെന്നാണ് പ്രേക്ഷകരുടെ അഭിപ്രായം.
