പ്രണയത്തിന് കണ്ണില്ലെന്ന് കേട്ടിട്ടുണ്ട് , അതുകൊണ്ട് തന്നെ പലപ്പോഴും ചിന്തിക്കാനുള്ള ശേഷിയുമുണ്ടാകില്ല . കാമുകി വിവാഹിതയാണെന്ന് അറിയാതെ കഴിഞ്ഞ അഞ്ച് വർഷമായി ഒരു യുവാവ് കാമുകിക്കും കുടുംബത്തിനും ചെലവിന് പണം നൽകിയിരുന്നു. രണ്ട് കോടിയിലധികം രൂപയാണ് അദ്ദേഹം അവർക്ക് നൽകിയത്. ഇപ്പോൾ കടക്കെണിയിൽ മുങ്ങി. വാങ് യുവാൻ എന്ന യുവാവിന് ഈ അബദ്ധം പറ്റിയത് .
കാമുകി ഷാങ് ലി പ്രണയ തട്ടിപ്പിന് ഇരയാക്കുകയായിരുന്നു തന്നെ എന്ന് അറിഞ്ഞിട്ടും യുവാവിന് അവരോട് ദേഷ്യമോ , വെറുപ്പോ തോന്നിയില്ലെന്നതും ആശ്ചര്യകരമാണ് . ചൈനയിലാണ് ഈ പ്രണയക്കെണി . തന്റെ ജീവനക്കാരനായ വാങ് കടക്കെണിയിലാണെന്ന് വാങിന്റെ ബോസ് അറിഞ്ഞതോടെയാണ് വലിയ തട്ടിപ്പ് പുറത്ത് വന്നത്.
ഭക്ഷണത്തിനും താമസത്തിനുമുള്ള എല്ലാ ചെലവുകളും കമ്പനി വഹിച്ചിട്ടും വാങ് എങ്ങനെ കടക്കെണിയിലായെന്ന് അറിയാൻ വാങിന്റെ ബോസ് പോലീസിനെ സമീപിച്ചു . വാങ് തന്റെ സഹപ്രവർത്തകരിൽ നിന്നും പണം വാങ്ങിയതായി അവർ കണ്ടെത്തി. എന്തുകൊണ്ടാണ് പണം ആവശ്യമെന്ന് അവർ വാങ് ചോദിച്ചപ്പോൾ അദ്ദേഹത്തിന് ഉത്തരം നൽകാൻ കഴിഞ്ഞില്ല. കാര്യം അന്വേഷിച്ചപ്പോൾ വാങിന്റെ കാമുകി ലിയുടെ ഇളയ സഹോദരന്റെ ഫീസ് പോലും വാങ് അടച്ചിട്ടുണ്ടെന്ന് മനസ്സിലായി.
ലീ ഇതിനകം വിവാഹിതയായി , ഒരു മകനുമുണ്ട് എന്ന കാര്യം മാത്രം വാങ് അറിഞ്ഞിരുന്നില്ല . താനും ഭർത്താവും ഏറെക്കാലമായി തൊഴിൽരഹിതരാണെന്ന് കാമുകി പോലീസിനോട് സമ്മതിച്ചു. അതുകൊണ്ടാണ് വാങി നിന്ന് പണം വാങ്ങുന്നത്. താൻ കബളിപ്പിക്കപ്പെട്ടുവെന്ന് മനസ്സിലായിട്ടും വാങ് തന്റെ കാമുകി ലിക്കെതിരായ കേസ് പിൻവലിക്കാൻ പോലീസിനോട് അപേക്ഷിക്കുകയായിരുന്നു.