തഗ് ലൈഫിൽ ജോജു ജോർജും; സന്തോഷ വാർത്ത പങ്കുവച്ച് താരം

കമൽഹാസനെ നായകനാക്കി മണിരത്‌നം സംവിധാനം ചെയ്യുന്ന ഏറ്റവും പുതിയ ചിത്രമാണ് തഗ് ലൈഫ്. പൊന്നിയിൻ സെൽവന് ശേഷം വൻ താരനിരയെ അണിനിരത്തി മണിരത്‌നം ഒരുക്കുന്ന ചിത്രം കൂടിയാണ് തഗ് ലൈഫ്. ചിത്രത്തിൽ കമലിനൊപ്പം ജയം രവി, ദുൽഖർ സൽമാൻ, തൃഷ, ഗൗതം കാർത്തിക്ക് എന്നിവരും ശ്രദ്ധേയമായ വേഷങ്ങളിൽ എത്തും. ഇപ്പോഴിതാ ചിത്രത്തിന്റെ ഒരു പുതിയ അപ്‌ഡേറ്റ് കൂടി പുറത്ത് വന്നിരിക്കുകയാണ്.

നടൻ ജോജു ജോർജും ചിത്രത്തിന്റെ ഭാഗമായിരിക്കുന്നു എന്ന വിശേഷമാണ് പുറത്തുവന്നിരിക്കുന്നത്. ചിത്രത്തിലെ ജോജുവിന്റെ കാരക്ടർ പോസ്റ്ററും അണിയറ പ്രവർത്തകർ പങ്കുവച്ചിട്ടുണ്ട്. നടൻ ജോജു ജോർജും സമൂഹമാദ്ധ്യമങ്ങളിലൂടെ ഇക്കാര്യം ആരാധകരുമായി പങ്കുവച്ചിരുന്നു.

Welcome onboard #JojuGeorge & @Gautham_Karthik to the magnificent ensemble of #ThugLife

#Thuglife #Ulaganayagan #KamalHaasan @ikamalhaasan #ManiRatnam @arrahman #Mahendran @bagapath @actor_jayamravi @trishtrashers @dulQuer @abhiramiact #Nasser @MShenbagamoort3 @RKFI… pic.twitter.com/Vcs4S0b8PG

— Raaj Kamal Films International (@RKFI) January 10, 2024

മുപ്പത്തിയാറ് വർഷത്തിന് ശേഷമാണ് കമൽഹാസനും മണിരത്‌നവും വീണ്ടും ഒരുമിക്കുന്നത്. രാജ്കമൽ ഫിലിംസ് ഇന്റർനാഷണൽ, മദ്രാസ് ടാക്കീസ്, റെഡ് ജയന്റ് മൂവീസ്, ആർ.മഹേന്ദ്രൻ, ശിവ അനന്ത് എന്നിവർ ചേർന്നാണ് ചിത്രത്തിന്റെ നിർമ്മാണം. മണിരത്നത്തിനൊപ്പം സംഗീത സംവിധായകൻ എ.ആർ റഹ്‌മാനും എഡിറ്റർ ശ്രീകർ പ്രസാദും വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. നേരത്തെ മണി രത്നത്തിന്റെ കന്നത്തിൽ മുത്തമിട്ടാൽ, ആയുധ എഴുത്ത് എന്നീ ചിത്രങ്ങളിൽ പ്രവർത്തിച്ചിട്ടുള്ള ഛായാഗ്രാഹകൻ രവി കെ ചന്ദ്രനാണ് പുതിയ ചിത്രത്തിന്റെ ക്യാമറയും കൈകാര്യം ചെയ്യുന്നത്. അൻപറിവ് മാസ്റ്റേഴ്സാണ് ആക്ഷൻ കൊറിയോഗ്രാഫർമാർ.