തുച്ഛമായ ശമ്പളത്തിൽ നിന്നും മിച്ചം പിടിക്കുന്നതും സമ്പാദിക്കുന്നതും പലരുടെയും രീതിയാണ്. ഇത്തരത്തിൽ ഉപയോക്താക്കളിൽ അധികം ആളുകളും തിരഞ്ഞെടുക്കുന്ന മാർഗ്ഗമാണ് സ്ഥിരനിക്ഷേപം. മികച്ച വരുമാനമുണ്ടെന്ന കാരണമാണ് എഫ്ഡിയെ ഇത്രയും ജനപ്രിയമാക്കി മാറ്റിയത്. എന്നാൽ ഉയർന്ന വരുമാനം നേടുന്നവർക്ക് എഫ്ഡി മുഖേന നികുതി ആനുകൂല്യങ്ങൾ ലഭിക്കില്ല എന്നതും ശ്രദ്ധേയമാണ്. വാർഷിക വരുമാനത്തിൽ പലിശ ഉൾപ്പെടുത്തുന്നു എന്നതാണ് ഇതിന് പിന്നിലെ കാരണം.
അതേസമയം ഉപയോക്താവിന്റെ വരുമാനം നികുതിയുടെ പകുതിയിലാണെങ്കിൽ സ്ലാബ് നിരക്ക് പ്രകാരമായിരിക്കണം നികുതി അടയ്ക്കേണ്ടത്. എഫ്ഡിയിൽ ഇത്തരം ആനുകൂല്യങ്ങൾ ലഭിക്കുന്നതിനായി അറിഞ്ഞിരിക്കേണ്ട കാര്യങ്ങൾ എന്തെല്ലാമെന്ന് നോക്കാം…
നികുതിയിളവ് ക്ലെയിം ചെയ്യുന്നതിന്
അഞ്ച് വർഷമെങ്കിലും എഫ്ഡിയിൽ നിക്ഷേപം നടത്തണമെന്നതാണ് കാലാവധി. ഇത്തരത്തിൽ കാലാവധി പൂർത്തിയാക്കിയ പദ്ധതി ടാക്സ് സേവിംഗ് എഫ്ഡി എന്നാണ് അറിയപ്പെടുന്നത്. ബാങ്കുകളിൽ നിന്ന് പോസ്റ്റ് ഓഫീസുകളിലേക്കും ഉപയോക്താക്കൾക്ക് ഇതിന്റെ സേവനം ലഭ്യമാകും. എന്നാൽ ഇരുസ്ഥാപനങ്ങളിലും പലിശ നിരക്കിൽ വ്യത്യാസമുണ്ടാകും. എഫ്ഡിയിലെ മൊത്തം വരുമാനത്തിൽ നിന്നും 1.5ലക്ഷം രൂപ കിഴിവ് ക്ലെയിം ചെയ്യാനാകും.
കാലാവധി പൂർത്തിയാക്കുന്നതിന് മുമ്പ് പിൻവലിച്ചാൽ
എഫ്ഡിയുടെ കാലാവധി അഞ്ച് വർഷമാണെന്നിരിക്കെ ഉപയോക്താക്കൾ ഇതിന് മുമ്പ് പണം പിൻവലിക്കുന്ന പക്ഷം പിഴ ഈടാക്കിയേക്കാം. കൂടാതെ നികുതി ആനുകൂല്യങ്ങളും നഷ്ടമാകും. ഉപയോക്താക്കളുടെ വാർഷിക വരുമാനത്തിലേക്ക് മാത്രമാകും പലിശ ചേർക്കുക. ഇതിനാൽ തന്നെ ഉപയോക്താക്കൾ ഉൾപ്പെട്ടിട്ടുള്ള ആദായനികുതി സ്ലാബിനനുസരിച്ചുള്ള നികുതി അടയ്ക്കേണ്ടതായി വരും.
വിവിധ സ്ഥാപനങ്ങളിലെ ടാക്സ് സേവിംഗ് എഫ്ഡി ഏതെല്ലാമെന്ന് നോക്കാം…
പോസ്റ്റ് ഓഫീസ്- 7.5%
സ്റ്റേറ്റ് ബാങ്ക് ഓഫ് ഇന്ത്യ – 6.5%
ബാങ്ക് ഓഫ് ബറോഡ – 6.5%
ബാങ്ക് ഓഫ് ഇന്ത്യ – 6.5%
പഞ്ചാബ് നാഷണൽ ബാങ്ക് – 6.5%
