സുരേഷ് ഗോപിയുടെ മകൾ ഭാഗ്യ സുരേഷിന്റെയും ശ്രേയസ് മോഹന്റെയും വിവാഹം നാളെ രാവിലെ ഗുരുവായൂർ ക്ഷേത്രത്തിൽ വച്ചാണ് നടക്കുന്നത്. പ്രധാനമന്ത്രി ഉൾപ്പെടെ നിരവധി പ്രമുഖർ പങ്കെടുക്കുന്നു എന്നതാണ് വിവാഹത്തിന്റെ ഏറ്റവും വലിയ പ്രത്യേകത. ഭാഗ്യയുടെ വിവാഹത്തെക്കുറിച്ച് സഹോദരൻ ഗോകുൽ സുരേഷ് പറഞ്ഞ വാക്കുകളാണ് ഇപ്പോൾ ശ്രദ്ധനേടുന്നത്.
തന്റെ അനുജത്തിയെ വിവാഹം കഴിക്കാൻ പോകുന്ന വ്യക്തി എന്നതിനെക്കാളുപരി തനിക്ക് ശ്രേയസ് അനുജനെപ്പോലെയാണെന്നാണ് ഗോകുൽ പറയുന്നത്. അവർ ഒന്നിക്കുന്നതിൽ തനിക്ക് വളരെ സന്തോഷമുണ്ടെന്നും ഗോകുൽ സുരേഷ് പറഞ്ഞു. വിവാഹത്തിന്റെ ഒരു സമ്മർദ്ദവും അച്ഛന് കൊടുക്കാതെയാണ് വിവാഹം നടത്തുന്നതെന്നും ഗോകുൽ സുരേഷ് പറയുന്നണ്ട്. പ്രമുഖ മാദ്ധ്യമത്തിന് നൽകിയ അഭിമുഖത്തിനിടയിലായിരുന്നു ഇക്കാര്യങ്ങൽ ഗോകുൽ പറഞ്ഞത്.
അനുജത്തി വിവാഹം കഴിഞ്ഞ് മറ്റൊരു വീട്ടിലേക്കാണ് പോകുന്നതെന്നൊരു ചിന്ത എനിക്കില്ല. ശ്രേയസിനെ ഞങ്ങളുടെ കുടുംബത്തിന് വളരെക്കാലം കൊണ്ട് അറിയാവുന്നതാണ്. അതുകൊണ്ട് അവൾ പോകുന്നത് അപരിചിതമായ ഒരു വീട്ടിലേക്കല്ല. അത്തരത്തിലുള്ള ഒരു ടെൻഷനും എനിക്കില്ല. ഞങ്ങളൊക്കെയും കരുതുന്നത് കുടുംബത്തിലേക്ക് ഒരു മകൻ കൂടി വരുന്നുണ്ടെന്നാണ്. നല്ലൊരു കാര്യം നടക്കുന്നതിന്റെ സന്തോഷത്തിലാണ് എല്ലാവരുമെന്നും ഗോകുൽ സുരേഷ് പറഞ്ഞു.
ശ്രേയസ് വളരെക്കാലമായി എന്റെയും ഭാഗ്യയുടെയും സുഹൃത്താണ്. അച്ഛനെപ്പോലെ വളരെ അധികം സംസാരിക്കുന്ന കുട്ടിയാണ് ഭാഗ്യ. ഭാഗ്യ ആരാണെന്നും എന്താണെന്നും മനസ്സിലാക്കി അവളെ ഒട്ടും ചേഞ്ച് ചെയ്യാതെ ഇഷ്ടപ്പെട്ടു സ്വീകരിക്കുന്ന കുടുംബമാണ് ശ്രേയസിന്റേതെന്നും ഗോകുൽ പറയുന്നു.
വിവാഹം നടക്കുന്നതിന്റെ ഒരു മാനസിക സമ്മർദ്ദവും അച്ഛന് ഞങ്ങൾ കൊടുക്കില്ല. വിശ്ഷ്ഠ വ്യക്തികൾ അടക്കം നിരവധിപേർ വിവാഹത്തിന് എത്തുന്നുണ്ട്. ആർക്കും ഒരു ബുദ്ധിമുട്ട് സംഭവിക്കാതെ വേദിയിലെത്തിക്കാനാണ് ഞങ്ങൽ ശ്രമിക്കുന്നത്. ഞാനും സുഹൃത്തുക്കളും ചേർന്ന് അച്ഛന് സമ്മർദ്ദം കൊടുക്കാതെ എല്ലാകാര്യങ്ങളും ഏറ്റെടുത്ത് നടത്തുന്നുണ്ടെന്നും അഭിമുഖത്തിൽ ഗോകുൽ സുരേഷ് പറഞ്ഞു.
