രണ്ടാം തവണയും പ്രധാനസേവകന് മലയാളക്കരയിൽ എത്തിയപ്പോൾ ആവേശം അലയടിക്കുകയായിരുന്നു. ഇന്നലെ മറൈൻഡ്രൈവിൽ നടന്ന ബിജെപി ശക്തികേന്ദ്ര ചുമതലക്കാരുടെ സമ്മേളനത്തിൽ ഏറെ ശ്രദ്ധിക്കപ്പെട്ടത് സംസ്ഥാന നേതൃത്വം പ്രധാനമന്ത്രിക്ക് സമർപ്പിച്ച അമ്പും വില്ലുമായിരുന്നു.
ഒറ്റ ദിവസം കൊണ്ടാണ് നാലര അടി നീളമുള്ള അമ്പും വില്ലും നിർമ്മിച്ചത്. മരത്തിൽ ശിൽപങ്ങൾ കൊത്തിയെടുക്കുന്ന പ്രമുഖനായ ചമ്പക്കര സ്വദേശി റാഫേൽ ബിനുവാണ് ഇതിന് പിന്നിൽ പ്രവർത്തിച്ചത്. കൊത്തു പണികൾക്കായി ഉപയോഗിക്കുന്ന കുമിൾ മരത്തിലാണ് ഇത് നിർമ്മിച്ചിരിക്കുന്നത്.
